dərindəki biz...

Gərək yoxdur, boyük zəfərlərə, çoxlu tər tökməyə, həmin TMK-da iş tapmağa və mütləq satınalınan

xoşbəxtlik üçün 5 rəqəmli məvacibə... Dayanacaqsan əvvəlcə yolun tam ortasında düşünəcəksən savaşçı cəmiyyətin sənə yeritdiyi sosial statuslu məqsədləri.. Ehtiyac varmı? Ən mükəmməl olmağa, qüsurlarından tam xilas olmağa və mövcud səndən tamam xilas olub yeni sən inşaa etməyə gərək varmı?

Kiçik şeylərə sahib olmağı bacarmalısan əvvəlcə. Məsələn, yayın ən istisində gecənin səssizliyinə sahib olmalısan, göydəki ən parlaq yox amma həmişə tapa biləcəyin ulduzlara sahib olmaq. Arxanca əsən küləyə sahib olmağı bacarmalısan. Yaxud da, xəyallarına, düşünsənə sadəcə sən "onu" "elə" və "orada" xəyal edə bilərsən.. başqa heç kim! Nə gözəl müstəqillikdir və nə gözəl azadlıqdır! Səssizliyə çəkilməyi bacarmalısan, əvvəlcə susub bütün səslərdən xilas olub dərindəki sənə qulaq asmalısan. 

Əvvəlcə kiçik şeylərə sahib olacaqsan. Böyüməyə və böyük olub kiçik azadlıqlara sahib olmağa tələsməməlisən. Tez öz mənzilinə köçüb böyük məsuliyyətlərə yüklənməməlisən. "Anlardan" həzz almağı bacarmalısan. "Böyük Tələsgən Cəmiyyəti" bir "an" kimi fikirləşməyi bacarmalısan. Unutmakı həyat ard-arda düzülmüş sonsuz "moment"-lərdən ibarətdir. Biz isə sürətli axımda onu video çarx kimi görürük. Video çarxı dayandır, heç vaxt təkrarı olmayacaq portretdən həzz al!

Bütün bunları tamamladıqdan sonra, yəni sənə görə bütün mümkün maksimumu gördükdən sonra xoşbəxt deyilsənsə və əlindəki zəfərin "işığı" səni qane etmirsə daha "xoşbəxtlik axtarma! Qazandığın sosial status, 5 rəqəmli maaş, TMK-nın CEO-su olmaq, illik 12 xarici səfər, ekonom klasdan xilas olmaq və başqaları səni xoşbəxt etməyəcək. Çünki sən dərindəki sənlə müharibədəsən. 

Dərindəki sən! Sən əvvəllər ondan utanırdın, qorxurdun, səni uğursuzluğa gətirər deyə ondan qaçırdın, qonşu bağa keçməkdən həmişə yayındın, maceraları təxirə saldın, musiqini sonuna qədər açıb dinləməkdən qorxdun, işə tələsdiyindən qonşu uşaqla yavaş-yavaş yol getmədin, heç təyyarə görməmiş kimi səmaya baxmaqdan qorxdun və sonunda dərindəki sənlə yadlaşdın. 

Onunla vecsiz, hərdəmxəyal və aşağı ünsiyyətdə qaldın. Bəlkədə sadəcə onu etmədin deyə xoşbəxt deyilsən? Bilməm, sən öyrənməlisən..

Agil Yusif - dediyimi elə etdiyimi eləmə (c) 

ad qoymağa vaxt olmuyub-))

Özümüzü heç bəyənmədik..

Davamlı dəyişdirdik. Dilimizi bəyənmədik, başqalarını öryəndik. Ölkəmizi bəyənmədik, səyahət

etdik, bəzən geri qayıtmadıq. Zamanımızı bəyənmədik, tələsdik. Köhnə olan hər şeyi atdıq. Yenilərinə bəzən ehtiyac duymadıq. Fərqinə varmadan yaşadıq, yaşlandıq. Öyrəndikcə daha da yaşlandıq. Bildiklərimiz qədər yaşlı olduq. Məsləhətlərdən boyun qaçırarkən məsləhət verən olduq. Özümüzlə savaşımız heç bitmir. Nəfsimizlə mübarizə aparırıq. Siqareti attırıq deyə əsəb keçiririk. Hüzur yerinə ağıl verən olduq. Daha içki yox deyə bikef gəzirik. Sonra, daha yaxşı həyat naminə bugünü yaşamırıq...

Dilmma nədir? Çox vaxt onu belə bimirik. Anlamadan həll etməyə çalışırıq. O qədər mübarizə aparmağa alışmışıq ki, sülh şəraitində yaşaya bilmirik. Nələri qurban verdiyimizi bəlkədə heç vaxt anlamayacağıq. Biz özümüzlə müharibə halındakılarıq..

Peşman oluruq? Əlbəttə etiraf etməyə vaxtım olsa məndə yüzlərləsi var... Amma yenədə edirik. Öncə sevdik deyə, sonra sevə bilmədik deyə. Amma yenə də peşman oluruq. Onlarla psixologiya kitabları oxuyanlar belə təcrübəsini anlamırlar. Sadəcə duyğudur, zaman onu yuyacaq, amma vaxt vermək lazım, bəlkədə ən qısa yoldan həllə çatmaq..

Getmək? Bəzən getdik deyə, bəzən qalmalıydıq deyə. Tərk edərkən ağır addımlarla qayıtmağa çalışanda yanan gəmiləri söndürməyə çalışaraq. Qərarlarımıza sadiq qalmağı bacarmırıq. Sən dediyimi elə, elədiyimi eləmə deyirik.  

Həll edək! 

Şübhəsiz ki, itirdiklərindən sadəcə zamanı geri almayacaqsan. Qalanları üçün yaxşıca mübarizə aparmalısan. Peşmançılıqlarını bərpa edə bilərsən, bağışlanmağa hələ onlar sağ ikən hazırlaş. Əlbəttə hirsənəcək kimsə qalmayıbsa ya da sən heç onları tanımamısansa edəcək bir şey yoxdur. Bəlkədə onlar canlarını qurtarıb... Heç sevilməmisənmi? Üzülmə yəni sevilmirsən )). Bəlkə sən möhtəşəm məğlubsan? Yəni olur belə, heçdə tarix sadəcə görkəmli adamların bioqrafiyalarından ibarət deyil ki. (M.Twain istinadən). Sən məğlubsan və orada xüsusi məğlub küncün olmalıdır. Yəni ağ bayrağı çəkib öz kəndində xoşbəxt olmalısan. 

Aldanmamalıyıq, səmanın nə qədər mavi olduğuna, yaxud dolların nə qədər yaşıl olduğuna, yaxud bir neçə etirafa. Səma buludluda olur, bəyənmirsənsə daha isti iqlimlərə köç edə bilərsən. Dollar inflyasiyaya uğraya bilir, yaxud dəyərsizləşir. Heç bir etiraf səmimi deyil və olmayıb. Sən yenədə nəyə inanmaq istəyirsənsə ona inan. Amma utanaraq danışanlara inana bilərsən, onlar etiraf edirlər..

Dediyim o ki, sən Atlas deyilsən dünyanı çiyinlərində saxlayasan! Biraz dayan nəfəs al. Hamıdan gizlətdiyin sirlərə görə narahat olma. Sevməkdən heç qorxma, amma sevilməkdən qorx! Dəyişdirməyə çalışdığın özünü dəyişməmiş xəyal et. Ən təbii halınla dayan. 

Bir şey deməyə məcbur deyilsən, o brendləri geyinməyə çalışma, arzularını özünkü et. Başqalarınkıları at kənara. 

Həə, hazırsan de görək nə istəyirsən?

Qramafon? Qırmızı şərab? Kamen? Yayda qar? Yoxsa etiraf? Ya da bütün bunların toplamı? 

İnsan olduğunu düşünürsənsə sən nə istədiyindən xəbərsizsən. Yaxşı bax özünü doğurdan da elə çağırmalısan? Məgər insan ən ali kateqoriyadır? 

Əl çək fəlsəfəndən bütün düşüncələrini susdur... sadəcə ən dərindəki sən, ən utancaq sən, ən kiçik sən qalsın..

İndi hər nəyi edirsənsə onu etmə. Xoşbəxtlik anlarla bağlıdır, bu an etdiyin şey səni xoşbəxt etmirsə onu etmə..

Bəlkə rahat nəfəs ala biləcəsən.

P.S. Təlim paketini zədələdik))))) 

Agil Yusif

about time - vaxt haqqında

Zaman? 

O nisbidir. O təkrarolunmazdır. O alternativsizdir. O qəddardır. O həmin an dəyərsizdir. O ən

möhtəşəm kateqoriyadır.

Vaxt! bizim bütün xatirələri onunla birgə xatırladığımızdır. Etiraf edin siz ötən ilin bu vaxtlarında etdiyiniz yaxud etmədiyiniz işlərə görə peşman olmusuz. Siz bəlkədə onları dəyişmək istəmisiz. Yaxud da qısacıq zamanı yenidəm yaşamaq istəmisiz. Bax məndə ötən ilin belə xatirələri çoxdur...

About time - vaxt haqqında. Fantastik janrda 2013-ün yaxşı filmlərindəndir. Zaman səyahəti haqqında isə ən yaxşısıdır. 213 dəqiqə sıxlmayacağınıza əmin ola bilərsiz. Rejissor Richard Curtis əla ekran axışı təqdim edəcək. Domhnall Gleeson, Rachel McAdams, Bill Nighy, Tom Hollander, Margot Robbie kimi aktyorlar sizə ingilissayağı nəsə göstərəcəklər. 12 milyon 87 milyon qazandıra bilir. ($) 

Etiraf edim ki, son vaxtlarda Britaniya ingiliscəsi daha yaxşı səslənir. Amerikan dialektinə öyrəşən adamlar burada böyük qanunauyğunluq duya bilərlər. Əlbəttə azacıq melaxoniyada...

Tim Lake -  Domhnall Gleeson 21 - ci yaş günündə möhtəşəm bacarığını kəşf edir. Ailə üzvlərinə xas bu bacarıq onlara zaman içərisində xatırladıqları hər vaxta geri dönməyə imkan verir. Tim isə bundan məharətlə istifadə edir. Ekran axışı fasiləsiz izləməyə imkan verir. Açığı alışdığımız 90 dəqiqələrdən daha maraqlıdır. 

Filmin əsas dəyəri isə sizi zaman haqqında düşünməyə söv etməsidir. Məsələn, hər ayın 28-i xüsusi məna kəsb edə bilər amma bunun sadəcə 1 gün - lə əlaqəsi vardır. Həmin gün bütün 28-ləri xüsusi anlamlı etmişdir. 

Yaşadığınız qızıl zamanın dəyərini indi anlayın dostlar, gecikməyin, az yatın, çox işləməyin, insanlara vaxt ayırın, birisinin əllərini möhkəmcə tutun arada yağışda islanın çünki heçdə bizdə zaman səyahəti bacarığı yoxdur və sadəcə bir kərə yaşayırıq.

Xoş seyirlər...

Agil Yusif - zamanda səyahət etməyən :-) 

That Awkward Moment - 2014

New-York. Əyləncəli həyat kreatic işlər. Tam sərbəstlik və özünüzü rahatlıqla dünyanın mərkəzində hiss edə bilərsiz. Çünki Dünyanın mərkəzindəsiz. Siz bütün etik dəyərlərdən yoxsul olaraq dünyanın mərkəzindəsiz. Siz tanıyır və bilirsiz orada həyat necədir. Bax bircə mən bilmirəm. Tanrı, əgər varsa, bax onun işidir. Nəysə başlayaq...)))

Çoxlu qızlarla görüşmək, tam playboy həyat tərzi, bəs siz pulu necə qazanırsız və bütün bunları necə çatdırırsız? Yoxsa ekranda sadəcə işin əyləncəli hissəsini nümayiş etdirirsiz? ))

Məncə indi ciddi olaraq Blog-a başlamalıyam.

That Awkward Moment 2014 BAŞ istehsalı Romantic-Comedy janrlı filmdir. Yenidir və əyləncəlidir. Filmin rejissorluğu və ssenarisi Tom Gormican-a məxsusdur. Filmin baş rollarını Zac Efron, Miles Teller, Michael B. Jordan, İmogen Poots, Mackenzie Davis, Jessica Lucas kimi gənc akytorlar paylaşır. Miles Teller-i The Spectacular N oü-dan tanıyacaqsız. Adamın çox yadda qalan üzü və üzündəki çapıqları var. Zac Efron isə filmə görə MTV Movie Awards –dan “Best Shirtless Performance” mükafatı qazanır ))

Olduqca uğurlu bir film hesab edirəm, 8 milyonluq bwdc'si il' 40 milyonluq Box Office gəlirləri əldə etmişdir. 

Jason (Zac Efron) və Daniel (Miles Teller) birlikdə dizayn şirkətində çalışırlar. Qızlarla arası yaxşı olan uşaqlar bu sahədə tam mütəxəsis hesab etmək olar. Onalrın digər yaxın dostu Mikey (Michael B. Jordan) kollecdən dərhal sonra Vera (Jessica Lucas) ilə evlənmişdir. Jason-a görə bütün münasibətlərdə qadınların dilə gətirdikləri “So...” kəliməsi olur.  (Beləliklə...) Jason-a görə əgər qadın bu kəliməni dilə gətirirsə deməli o münasibətin istiqamətini və nə qədər ciddi olduqlarını soruşmağa başlayacaq. Həmin an isə Jason dərhal uzaqlaşmağa qərar verməlidir. Daniel qızlarla daha peşəkardır. Xüsusi ilə xanım dostu Chelsa (Mackenzie Davis) ilə münasibəti deyərdim çox üst səviyyədir. Doktorumuz Mikey isə evlilik həyatının bitməsini sadəcə qəbul edə bilmir.

Üç yaxın dost əvvəllər bir-birlərinin münasibətlərini gizlətməyə qərar verirlər. Eyni ilə Jason-un ideyasına sadiq qalaraq. Sonradan hadisələr daha da qarışmağa başlayır. Belə ki, onların münasibətlərinin hamısı Thanksgiving Day-də üzə çıxacaq.

That Awkward Moment əyləncəli ekran axışına, maraqlı dialoqlara, yaxşı musiqilərə (David Tom) və “əla New-York mənzərəsin” malikdir.

Agil Yusif

Endless love - Sonsuz Məhəbbət

Cansıcı hesab edə bilərsiz, xüsusi ilə mənim kimi gedə biləcəyiniz bir highschool, university yaxud master degree - niz qalmayıbsa))

1981-ci ilistehsalı eyniadlı filmin təkrar istehsalıdır. Lakin Box Office gəlirlərinə görə heçdə uğurlu hesab etmək olmaz: 20 milyonluq büdcə ilə 34 milyon dollarlıq gəlir!

Bəzi hekayələrin heç bitmədiyini düşünə bilərsiz. 104 dıqiqə ərzində siz uzun illərin xronologiyasına söykənən bir məhəbbət hekayəsi yerinə 1-2 il zamanı əhatə edən bir eşq hekayəsini izləyəcəksiz. Bəzi hekayələrin heç bitmədiyini düşünə bilərsiz. October Road dadı his olunacaq.

Qəhrəmanlarımız David Elliot (Alex Pettyfer) və Jade Butterfield (Gabriella Wilde) məzuniyyət mərasimində qarşılaşırlar. David illərdir ki, Jade ilə danışmağa fürsət tapmaz və həmin gün söhbətləşməyi bacarır. Elə hekayəmiz də burada başlayır!

"O" qızlar həmişə çılğın, cinayətkar, downtown uşaqlarını sevir )) sevsin)). Ağıllı və yaxşı oxuyansansa heç şansın yoxdur. Filmi izləyərkən özümü dəfələrlə məzum olmuş və yaxlı hiss etdim. Film ərzində maraqlı səhnələr alınıb, ilk fürsətdə qaynatasının maşınını düzəldən David!

Həmçinin David ilə Jade-in atası Hugh Butterfield (Bruce Greenwood) arasında maraqlı dialoq baş tutur.

Bəzən isə sizin düşündüyünz ssenari olmur, getmək yox qalmaq əsl cəsarət tələb edir. Bəzən qala bilməyəcəksiz və getməyə məcbur olacaqsız. David - in keçmiş məhbusluğu isə məni düşündürür ki, hər kəs dəyişə bilər amma heç kim keçmişin cızıqlarını silə bilmir, xüsusi ilə bu cızıqlar rəqiblər tərəfindən eşələnəndə.

İnsanlar haqqında azacıq bilirəmsə onlar tək qalmağı ya bacarmayacaq ya da xoşlamayacaq, çalışın tək qalmayın yaxud tək qoymayın! ))

22 Jump street

22 Jump Street 2014 ABŞ istehsalı action comedy janrlı əyləncəli bir filmdir. klassik action
filmlərdəkindən daha çox comedy-ini özündə birləşdirir.

22 Jump Street 21 Jump Street (2011) -ə sequel olaraq çəkilmişdir. filmin rejissorluğu Phil Lord və Christopher Miller-ə məxsusdur. Ssenari müəllifi Michael Bacall-dır. Baş rollarını Johan Hill və Channing Tatum-un paylaşdığı film 65 milyonluq büdcəsi illə 331 milyonluq Box Office gəlirləri əldə etmişdir.

ekran axışı hadisələrin gedişatı müasir AMerikan Gəncliyini çox yaxşı komedik dillə anlatmağı bacarır. Düzdür bəzi yerlərdə həddən artıq "yüksəlmələr" olur. lakin yenə də oldquca maraqlıdır. beləki polis dostlarımız bu dəfə kollecə getmək və narkotik alverini dağıtmağı hədəfləyirlər. Kollecdə isə partnyorlar arasında maraqlı məqamalr ayşanacaq. onlar öz dostluqlarını sorqulamaq həddinə gələcəklər. Filmi izləyərkən 22 Jump Street-dən 23 , 24, 25 və s. çıxartmaq mümkündür deyə düşünə bilərsiz. elə rejissor-da buna hazır idi. filmi sonunda maraqlı məqam olacaq. klassik amerikan sonluğu, hər kəs xoşbəxtdir, pis adamlar ya tutulub ya da öldürülüb və film ərzində "yüksəlmələr".

Decharge olmaq üçün tövsiyyə edə bilərəm. filmdəki dialoqların vulqarlarla dolu olması üzündən necə izləmək lazımdır bilirsiz. ))

Agil Yusif

RED 2010

Siz onları tanıyırsız!

 

Artıq yaşlanlblar, əvvəlki kimi yaraşıqlı və güclü görünmürlər, axmaqca hamını öldürməyə çalışmırlar və ən əsası indi onlar modern film texnika və effektləri ilə işləyirlər. Hollydwood-da yeni trend yaranıb, bu yaşlı xarizmatiklərdən ibarət insanları toplayıb yenidən onlarla çalışmaqdır. İşin komediya tərəfini düşünəndə bu əla alınır deyə bilərəm.

Özümün fərqinə varıram bazar ertəsidir. Filmi izləməyi də elə bazar günündən planlaşdırmışdım. Bazar ertəsi ofis rutinləri arasında sıxışıb qalmış, son bir neçə ildir (artıq saymıram) düz əməlli yay istirahəti görməyən mən və birdən qarşımda sevimli aktyorlar, əla komedik action janrı, motivasiya tam hərəkət. çox güman ki, bütün həftəni də onun təsiri ilə keçirəcəm və iş performansıma bu yansıyacaq.

Mən danışıram pensiyaner ekstrimal təhlükəlilər haqqında.

RED eyniadlı comic book series –dən ilhamlanaraq çəkilib. DC Comics arxivindən əla bir seçim olduğunu deyə bilərəm. Xüsusi ilə oyunçu seçimində Robert Schwentke yaxşı iş çıxarıb. (Bruce Willis, Morgan Freeman, John Malkovich (bu pik nöktədir),  Mary-Louise Parker, Helen Mirren və Karl Urban).

Hadisələrin gedişiatı klassik amerikan action film tərzinə uyğun gəlsədə, anlatım tərzi və ekran gözəlliyi təqdirəlayiqdir. Tarantino üslubunu xatırladan çox dağıdıcı partayış və atışma səhnələri izləyicini yormur deyə bilərəm. Müəyyən məqamlarda isə yaxşı əyləndirir.

Qeyd edim ki, 58 milyon ABŞ dolları büdcəsi olan RED 199 milyonluq BOX office gəliri əldə etmişdir və bunu uğurlu göstərici hesab etmək olar.

Hərəkətə motivasiya verməsi açısından isə inanılmaz yaxşıdır. Yəqi gənc bizlər yaşlı adamların nə işlər gördüyünü görəndə “tətiklənirik”.

John Malkovich və Morgan Freeman akytorluğunu RED -də mütləq görməlisiniz.

Agil Yusif

Pasific Rim

Heç də hesab etmiyin ki, siz ucaboylu, digər hərkəsdən güclü və tanıdığınız bütün insanlardan üstünsüz. Ən azından belə fikirdəsizsə Pasific Rim izləyin. 

Pasicif Rim 190 milyonluq büdcəsi ilə ABŞ-da az Box Office gəlirləri qazansada dünya çapında 411 milyonluq gəlir gətirmişdir. Bunun 114 milyonu Çin bazarının payına düşür ki, bu da onun ən böyük marketi olmuşdur.

Amerikan istehsalı Pasific Rim-in rejissorluğunu Guillerm del Toro etmişdir. Ssenari isə del Toro və Travis Beacham tərəfindən yazılıb. Ssenarinin orjinal və qiqant olduğunu deyə bilərəm. Aktyorlar Charlie Hunnam, Idris Elba, Rinko Kikuchi, Charlie Day, Robert Kazinsky və başkalarıdır. 

Hadisələr yaxın gələcəkdə sakit okeanın dibindəki tavaların toqquşma nöqtəsindən digər kainata keçidin yaranması ilə başlayır. Digər kainatdan (other dimension) körpü (başqa elmi-fantastik janrlı filmlərdə bunu soxulcan dəlikləri kimi təsvir edirlər, məs. kosmik filmlərədə) vasitəsi ilə keçən qiqant, dağıdıcı, məxluqlar öz koloniyalarını dünya üzərinə keçirməyə çalışırlar. 

İnsanlar qiqantlarla mübarizə aparmağın yeganə yolunun öz qiqantlarını düzəltmək olduğunu anlayır və öz nəhəng qiqant maşınları olan Jaeger-ları hazırlayırlar. Filmdə çox vat döyüş bölgəsinə helikopterlərlə aparılan bu qiqant savaş maşınları fiziki olaraq insan görünümdə olsalar da, olduqca nəhəngdirlər. 

Pasific Rim elmi-fantastik janrda olmasına baxmayaraq orijinal bir iş kimi qarşımıza çıxır. İnsanların hadisələr qarşısında bəzən nə qədər kiçik və çarəsiz olduğunu xatırladır. Godzilla ilə bənzərliyi olduğunu deyə bilərəm. çoxsaylı dağıntı, fəlakət, partlama və s. səhnələrin olmasına baxmayaraq bunların heç birində qeydə dəyər sayda ölüm halı ekrana gətirilmir. Bu bir növ azyaşlı kontingenti ekrana bağlamaq üçün taktika kimi istifadə edilir. Lakin Pasific Rim bəzi səhnələrdə doğurdan da, 12-lik atışlar edir. 

Pasific Rim elmi-fantastik janrda çox vaxt rast gəlinmıyəcək qədər məntiqi bir sonluqla bitəcək. Çox vaxt belə sonluqlar ya yaxşı olmur, ya da məntiqə tabe olmur. Hərhalda mən Pasific Rim-in sonluğundan razıyam.

yazdı:Agil Yusif ©

Layer Cake

Layer Cake original ssenari uğurlu soundtrack-ləri və yaxşı akytorluq performansı ilə həqiqətən diqqətə layiqdir. 

Qazandığı mükafatları nəzərdən keçirsək, BAFTA Awards - the most newcomer, British Independent Film Awards - Douglas Hickox Award, Empire Awards UK - Best Briish Director, Best Newcomer, European Film Awards - Audience Award, National Board of Review- USA- World Soundtrack Award kimilərini görmək mümkündür.

Britanya istehsalı kriminal filmidir. J.J. Connolly-nin eyniadlı əsərinin motivləri əsasında çəkilib və adı çox vaxt stilizə edilib "L4YER CAKE" kimi qeyd edilir. 

Mattew Vaughn rejissorluq etdiyi Layer Cake 4 milyon poundluq büdcə ilə 7.3 milyon poundluq BOX OFFICE gəliri əldə etmişdir. Ekran üçün ssenari yenə J.J. Connolly tərəfindən yazılıb. Aktyorlardan Daniel Craig (sonuncu J.B. filmlərindən) sizə tanış gələcək, həmçinin Colm Meaney, Sienna Miller Michael Gambon kimi simalarıda izləyəcksiniz.

Hesab edirəm ki, köhnə istehsal ilinə (2004) baxmayaraq Layer Cake kinomanın arxivində mütləq olmalı olan filmlərdəndir. 105 dəqiqə canınız sıxılmayacağını asanlıqla deyə bilərəm.

Filmlə bağlı maraqlı fakt onun baş qəhrəmanıdır. Çünki baş qəhrəmanın   ......

Layer Cake modern kriminal aləmi, hörmət, etibar və tez bir zamanda yüksəlmə əzmi ilə təsvir edir və bunu əla bacarır. Peşəkar narkotik alverçisi qısa vaxt sonra pensiyaner olmağı planlaşdırarkən yeni və öz sahəsindən uzaq bir sifariş alır. Elə hadisələr də bu fonda baş verir. Boss Jimmy-nin köhnə dostu Edward -ın qızını tapmağı sifariş edir. Edward möhkəm nüfuzlu, güclü və inşaat sektorunda sözükeçən bir personajdır.

Film boyunca onun nüfuzunu heyranlıqla izləyə bilərsiz. Filmdəki hadisələr onun adı (Layer Cake) haqqında ideya verir. Layer Cake biznesdə kiminsə mərtəbələri sürətlə yüksəldiyini xarakterizə etmək üçün istifadə edilir. Modern kriminal aləm üçün xas olan yeni üslubu burada izləyəcəksiniz. Artıq geniş mafya ailələrini, onların öz aralarındakı anlaşmaları görə bilməyəcəyik. Çünki modern kriminal aləm hansı ki, Layer Cake bizə bunu göstərir, tamami ilə yeni bir tərzdən istifadə edir.

Ən maraqlısı, Daniel Craig-in canlandırdığı personajın adını bilməyəcəksiz, film boyunca çox gözləsəmdə bunu eşidə bilmədim, nəhayət son səhnəni gözlədim lakin burada da alınmadı, Daniel Craig-in canlandırdığı personajın adını öyrənə bilmədim. Hələ də, ümid var deyib filmin sonunda aktyorların siyahısını gözlədim və budur....

Daniel Craig adını bilməyəcəyiniz bir personaj canlandırıb. Cast hissəsində onu XXXX kimi qeyd edəcəklər.

P.S. Daniel Craig adını deyərkən, (son səhnə)

"Kinky, The Duke, Slasher, Kilburn Jerry, Crazy Larry, Mr. Lucky, Troop, Jimmy. I don't want to add my name on that list. My name? If you knew that you would be as clever as me"

 "Kinky, The Duke, Slasher, Kilburn Jerry, Crazy Larry, Mr. Lucky, Troop, Jimmy. Mən öz adımı bu siyahıya əlavə etmək istəmirəm. Mənim adım? Əgər siz bilsəydiniz mənim qədər ağıllı olardız."

   Elə bu vaxt XXXX öldürülür......

Vətəndaş Keyn - Citizen Kane

Məncə o əsl Amerikan vətəndaşıdır. Keyn (Kane) nəhəng bir həyat yolunu izləyəcək və bu haqda yazarkən
sizin ağ-qara filmlərə ön yarqılarınızın olduğunu bilirəm. Vətəndaş Keyn Amerikan film sənayesinə bir sıra dəyişikliklər etmiş bir filmdir. Onun tarixi önəmi də məhz burdadır.

1941 istehsalı, dram janrındakı filmin baş qəhrəmanı Orson Welles tərəfindən canlandırılıb. 9 kateqoriyada Academy Awards mükafatı qazanan Citizen Kane olduqca uğurlu bir istehsaldır. Ameikan Film Arxivində 100 years .... 100 movies arasında öz yerini 1998-də bərqərar edib. Həmçinin onun original ssenarisi var. 2007 araşdırmalarına görə Citizen Kane öz dövrünə görə, kinomatoqrafiya, musiqi, səsləndirmə strulturu, işıqlandırma və zoom effektlərinə görə 40-cı illər üçün əsl innovasiya idi.

Citizen Kane 839 minlik büdəcəsi ilə ABŞ-da 1.5 milyon Box Office gəlirləri əldə edib.

Citizen Kane bir çox tənqidçinin fikrincə dövrün Media Maqnatı William Randolph Hearst ilə çoxlu oşxar cəhətlər daşıyırdı.Hərhalda bu durumu sevməyən William Randolph Hearst Citizen Kane haqqında öz qəzetlərində və iş yerlərində danışılmasını qəti qadağan edir. Lakin bu günlərdə mən William Randolph Hearst haqqında araşdırma aparmaq istəyən ilk öncə Citizen Kane-ə müraciət etməkdən əl çəkə bilmirəm...

Elə indidən ən sevdiyim dialoqun 30-cu dəqiqədən etibarən reallaşdığını da deyim...

Film boyunca müthiş maraqlı bir dedektiv ardıcıllığı görə bilərsiz. Hadisələr zaman axışına görə şahidlərin danışdıqları əsasında ekrana gəlir. Elə film də, Charles Foster Kane-in ölümü ilə başlayır və hadisələr geriyə doğru təsvir edilir. Jurnalist Thompson-un Kane haqqıda hazırladığı reportajın əksik hissəsini ona öz boss-u deyir. Bu Rosebud-dır. Kane ölümündən öncə son olaraq bu sözü deyir. Jurnalist Thompson Rosebud-ın sirrini açmaq üçün Kane-in həyatına şahid olan hər kəslə danışmağa başlayır və hadisələr bu fonda aydınlanmağa başlayır. 

Böyük uğur, obsessif bir psixologiya, böyük qəsrdə yalnızlıq, çıxış yolu, gücün və qüdrətin irəlisində insan həyatı kimi fikirlər Citizen Kane-dən sonra daha çox ağla gəlir.

İzləyin və qərar verin bu film real olsaydı siz Citizen Kane-dəki personajlardan hansı olardız? Charles Foster Kane, Jurnalist Thompson yoxsa Kane-in həyatına şahid olan insanlardan biri?

Cavabınız sizin xarakterinizlə bağlı nəsə deyəcək... paylaşmayın))))

One Day- Bir Gün

One Day - bir gün 2011 Birləşmiş Krallıq və ABŞ istehsalı filmdir. Anne Hathaway, Jim Sturgess, Romola
Garai, Rafe Spall, Ken Stott, Patricia Clarkson kimi aktyorlar; orda görə bilərsiz.

Film Random House Films və focus Features tərəfindən ortaqlaşa ərsəyə gətirilib. Başrolu canladıran Anna Hathaway-in filmin çəkilişlərinə başlamazdan maraqlı hekayəsi baş verir. Belə ki, Hathaway film haqqında xəbər tutan kimi dərhal Londona uçur. Scherfig ilə görüşüb ona niyə bufilmdə amerikan aktirsaya yer verilməsi gərəkdiyini izah edir. Sonda   Hathaway qalib gəlir.

Filmin çəkilişləri Birləşmiş Krallıqda həyata keçirilib. Edinburq, Arthur's Seat, Parlament Hill Lido, kiçik bir hissə çəkilişlər Fransa Dinard-da reallaşıb.

15 milyonluq büdcə ilə film 56 milyon dollarlıq gəlir gətirib. CinemaScore A+, F qiymətləndirməsindən filmdə B- qiymət verib.

Həmişə statistika, informasiyaya qaçıb oxuyucunu yorduğumu bilirəm. One Day monoton davam edən hekayəsi və demək olar ki, eyni ritmdə davamlılıq ilə filmin sonuna qədər sizi standart melaxoniya içərisinəd saxlayacaq. Emma və Dexter-in hekayələrini izləyərkən niyə One Day dediklərini anlaya bilərsiz.

Filmin sonuna doğru monotonluğun bitməsi ilə nə hiss edəcəyinizə özünüz verin sonuncu səhnələr sürpriz doludur. Yaxşı yoxsa pis buna siz qərar verin.

Bəzən möhtəşəm xəyallar qurub dünyanın ətrafında çevrə çəkməyinizə ehtiyac yoxdur, sadəcə yanınızda ən yaxınınızda xoşbəxtliyi tapa bilərsiz.

American Hustle

American Hustle-ın uğuru qeydə dəyərdir, 10 Academy Award nominasiyası, 3 Golden Globe Awards, 3
Bafta Awards. Həmçinin filmin original ssenarisi onu uğurlu edən əsas faktorlardandır. Bu tip ssenari ilə film çəkməyin sadəcə ABŞ-da mümkün olması da, digər bir faktordur. Retro görkəm, tarixiliyin əks etdirilməsi, biraz daha yaşlı kütlə üçün nostalji əla əks etdirilib. Rejissor David O. Russel-ə burda minnətdarlığımızı bildirməliyik.

40 milyonluq büdcəsi ilə American Hustle, 251 milyonluq Box Office gəliri əldə edib. Aktyorlardan Christian Bale, Bradley Cooper, Amy Adams, Jeremy Renner, Louis C.K. kimi simaları görəcəksiniz. Onların aktyorluq qabiliyyəti isə təqdirəlayiqdir.

American Hustle-ın çəkilişləri 2013 8 martda başlamış, Boston, Worcester, Massachusetts, New-York kimi yerlərdə həyata keçirilmişdir.

American Hustle-ın uğuru haqda qeyd etmişdim, Rottern Tomatoes filmdə aktyorluq qabiliyyətinə 93%-lik müsbət rəy verib. Filmin bir çox aktyorları da, oyunçuluq qabiliyyətinə görə tənqidçilərdən müsbət rəy alıb.

Qısaca hadisələr haqqında deyə bilərəm ki, nümayiş etdirilən hadisələrin bir qismi real hadisələrə əsaslanır. !970-80-ci illərdə ABŞ-da Federal Təhlükəsizlik Bürosu (FBI) tərəfindən həyata keçirilən  ABSCAM əməliyyatı haqda izləyəcksiz. FBI agenti tərəfindən siyasi xadimlərin rüşvətxorluğunun və korrupsiyon əməllərinin üzə çıxarılması üçün istifadə edilən qəhrəmanlarımızın sonu maraqlı olacaq. Deyə bilərəm ki, tipik komediya, kriminal, dram filmlərindən fərqli olaraq American Hustle original bir ssenari ilə davam edəcək sonluq sizi təəccübləndirə bilər.

Unutmayın əksər amerikan filmləri hətta ən yaxşıları belə .......... sonluqları sevir :)

Horrible Bosses 2 - Qorxunc Müdürlər 2 2014

Horrible Bosses 2 – Qorxunc Müdürlər 2 – 2014 ABŞ istehsalı qara satiralı bir filmdir. Gülüş üçün belə biraz qaranlıq tələb edən ekran axışı var. Filmin rejissorluğu Sean Anders-ə məxsusdur. Horrible Bosses New Line Cinema tərəfindən istehsal edilib, distribusiyası isə Warner Bros tərəfindən həyata keçirilib. Ssenari müəllifləri John Francis Daley, Jonathan Goldstein, Sean Anders və John Morris-dir.

Baş rollarını Jason Bateman, Charlie Day, Jason Sudeikis (30 Rock-dan tanıyacaqsız), Jamie Fox və başqaları paylaşırlar. Breaking Bad-dan bir sima Johnathan Banks-o də bu filmdə görmək olar.

Fİlm 42 milyonluq büdcəsi ilə 106 milyonluq Box Office gəlirləri əldə etmişdir.

Kiçik biznes dərsləri, tam mikrobiznes mühazirələri. Adam oğurluğu amm daha əyləncəlisi uşaqların buna hazırlaşmaları. Kim daha ağıllıdır? bunları filmdə görəcəksiniz....

Horrible Bosses 2 ilk filmdəki qara yumoru saxlayır və ekipajı biraz daha genişləndirir. Əyləncəli bir iş ortaya çıxartmağı bacarır. Qara satiraya alışmamısızsa onda gülmək biraz qəliz ola bilər. Lakin “Gülmək” sadəcə başlanğıcdır. Ekran axışı hadisələrin gedişatı klassik amerikan sonluğu və daha qeyri-adisi “hərşeydən sonar” səhnələri size heyran edəcək. Dialoqların vulqarlaşması size əyləndirə bilər amma yenədə uşaqlara tövsiyyə etmək olmaz ))

Filmdən kiçik qeydlər:

Atanız sizə 5 milyonluq dəyər vermir. Super idiot acting.

Reallıq odur ki, American Dream Çin istehsalıdır.

Mən hər gün yeni düşmənlər qazanıram, buna biznes deyirlər.

Agil Yusif

2 Guns - 2013 - 2 Silah

 

2 Guns – 2 silah 2013 ABŞ istehsalı filmdir. 6 milyonluq büdcəsi ilə 131 milyonluq Box Office və Mark Wahlberg-ün paylaşdığı 2 Guns əslində BOOM! Studios tərəfindən yayımlanan eyniadlı karikatura jurnalının əsasında çəkilib. Filmin rejissorluğu Baltasar Komakur-a məxsusdur. 

Daha bir məqam bu 1996-dan bəri D.Washington-un ilk komediya janrını özündə birləşdirən filmidir.

gəlirləri əldə etmişdir. Uğurlu hesab etmək olar. Baş rollarını Denzel Washington

Klassik action janrlı filmlərdən biraz fərqli ssenariyə malikdir. Doğrudur nəhəng partlayış, uzun-zadı silahlı toqquşma səhnələri var amm yenə də yenilikçi hesab etmək olar. Bir-birindən xəbərsiz iki dövlət agenti mafyanın içərisinə sızır və əslində mübarizə apardıqları mafyanın yenə dövlət olduğunu öyrənirlər. özüdə dövlətlə heç bir bağlarının qalmadan bunu etmək məcburiyyətindədirlər. beləki DEA agenti və Amerikan Dəniz Qüvvələrinin zabiti bir-birlərininn real kimliklərindən xəbərsizdirlər. sonar bankı oğurlamaqla meksikalı mafia liderini üzə çıxartmağa çalışırlar. Sonradan bir-birlərinin kimliklərini öyrənəcəklər amma onlar sadəcə narkobaronun pullarını yox CIA-in pullarını da oğrulayıblar. Beləcə əsl macera başlayacaq.

Digər məqam isə həqiqətdə “kirli” olan Amerikan bürokratiyasıdır. Onların ayrı-ayrı üzvləri isə demək olar ki, bir-birlərindən xəbərsizdirlər.

Əyləncəlidir. Klassik Action filmlərini xatırladır amma yenə də ssenari və ekran axışı diqqətə laiqdir. 

Agil Yusif

Despicable Me 2 - 2013

Despicable Me 2, 2010 istehsalı birinci filmin davamıdır. animasiyada böyük işlər görülmüşdür.
Despicable Me 2 yenə Illimunation Entertaiment və Universal Pictures tərəfindən çəkilib. rejissorluğunu yenə Pierre Coffin və Chris Renaud ediblər. Ssenari müəllifləri isə Cinco Paul və Ken Daurio-dur.

76 milyon dollarlıq büdcəsi ilə 970 milyonluq Box Office gəlirləri əldə etmişdir və uğurlu hesab etmək olar. Despicable Me 2 Academy Award of Best Animated Feature mekafatı sahibidir eyni zamanda Academy Award for Best Original Song (happy - mahnısı üçün) qazanmışdır. həmçinin qeyd etməliyəm ki, Despicable Me 2 axırıncı 100 il üçün ən gəlirli Universal Pictures istehsalıdır.

Bud dəfə də, siz filmdə Minionları görəcəksiniz. bu kiçik sarı sevimli "muppet" tərzi canlılar əvvəllər Gru-nun qəddar məqsədlərinöə xidmət edirdisə indi onlar sadəcə yaxşıdır və olduqca əyləncəlidirlər. Filmin posterində siz Gru və 10400 Minion-u görürsüz.

Bu dəfə baş qəhrəmanımız Gru artıq "pis" adam olmaqdan vaz keçmiş və sadəcə meyvə şirəsi istehsalına baş qatmışdır. lakin işlər heç də yaxşı getməməkdədir. istehsal edilən meyvə şirələri tam yararsız halda olur. vəziyyəti görən doctor Nefario artıq sadəcə pis işlər görmək çünü uzaqlaşmağa qərar verir. nəticədə Gru üçün yeni dövr başlanır. AVL adlı gizli təşkilat Gru-dan onlar üçün işləməsini xahiş edir. Qəhramanımız Gru ilk dəfə sevgini bu vaxtlarda tapacaq. Agent Lucy ilə yaxşı ünsiyyət ona AVL-i sevdirməyə başlayır. El Macho ilə döyüş isə, "finalları" təxmi edə bilərsiz.

Siz bəlkədə "pis" - villian olduğunuzu düşünə bilərsiz amma daxilinizə baxsanız yaxşı nəsə görə bilərsiz.

Agil Yusif

The Internship-staj

2013 istehsalı amerikan komediya filmidir. Sizə nəsə öyrədə biləcəyinə əmin olmasamda çox güləcəyinizə və komanda işi ilə bağlı marjinal fikirlərə yiyələnəcəyinizə əminəm. 20th Centry Fox –un dağıtımını həyata keçirdiyi filmdə tanıdığınız similar olacaq. Belə ki, Vince Vaughn və Jared Stren tərəfindən yazılan ssenari əsasında filmə Shawn Levy rejissorluq etmişdir.

Aktyorlardan  Vince Vaughn və Owen Wilson - un  sayca birlikdə üçüncü filmidir, onları  Startsky & Hutch (2004) və Wedding Crashers (2005) filmlərində birlikdə görmək mümkündür.


58 milyonluq büdcəli The Internship gülməyə qarantiya verir. Lakin daha maraqlı dərslərdə var. Əvvəllər saat satıcısı kimi işləyən Billy McMahon (Vaughn) və Nick Campbell (Wilson) işlərinin sona çatdığını öyrənirlər. Artıq onlar peşəkar olduqları sahədən atılmış və işsiz qalmışdılar. müxtəlif işlərə cəhd etmələrinə baxmayaraq özlərini heç cürə tapa bilməyən ikili “google”-un “internship” –staj proqramı haqda öyrənirlər və müraciət etməyə qərar verirlər. Qeyd edim ki, bütün bu google çəkilişləri şirkətin həqiqi iş sahəsində həyata keçirilmişdir. Billy və Nick staja başlayanda başa düşürlər ki, onlar öz komandalarının ən yaşlı və ən yararsız üzvləridir. Rəqib komandalar onları qabaqlayanda Billy və Nick-in satış, ünsiyyət motivasiya, liderlik, uğura inam bacarıqları işə düşür. Onlar özlərini yararsız hesab edib kənara çəkilib staj vaxtının bitməsini və evə qayıtmaı gözləyə bilərdilər lakin komöuter istifadəsində belə problemləri olan bu “yaramazlar” komandanı qalibiyyətə aparmağa əmindirlər.


Siz yenədə izləyin, motivasiya haqda bilmədiyiniz bir neçə məqamı orada görəcəksiniz və əslində heçdə hesab etdiyiniz qədər yararsız deyil(siz).

google app-larının necə hazırlandığı haqda da, düşünə bilərsiz…


Filmdə ən sevdiyim dialoq:

Nick: "You closed the company?!"
Boss: "Everything's computerized now."
Nick: "People have a deep mistrust of machines. Have you seen Terminator?"
Billy: "Yep"
Nick: "Or two?"
Billy: "Mmmhmm"
Nick: "Or three or four?"
Billy: "All of them"
Boss: "You're great salesmen but it's too late for you guys and I'm gonna say something harsh now."
Billy: "Now, now you're gonna say something harsh?"


Fikrimcə Google iş mühiti, kreativlik, cəlbedicilik əla təsvir edilib.Generasiyalar arasındakı, texnologiya ilə əlaqədar fərqləri də görmək mümkündür. Bir sözlə 90-larda dünyaya gələnlər əvvəlkilərdən biraz daha şanslı imiş kimi təəsürat yaranır…  

Möhtəşəm Gatsby - The Great Gatsby

Parlaq, zəngin, çılğın, əyləncəli, bir sözlə 1920-ci illərin lüks New-York həyatı.
The Great Gatsby F.Scott Fitzgerald tərəfindən 1925-ci ildə qələmə alınan romandır. Onun əsasında 1926, 1949, 1974, 2000 və 2013-cü illərdə filmlər çəkilmişdir.

Haqqında yazdığım isə 2013-ün may ayında tamamlanan The Great Gatsby filmidir. Filmin adı Fitzgerald-ın romanı ilə eyni olsa da onun ssenarisi Baz Luhrmann tərəfindən yenidən yazılmışdır. Elə filmin rejissorluğu da Luhrmann-a məxsusdur.

DiCaprio siması üçün ən əla roldur deyə bilərəm. Jay Gatsby obrazını Johnny Depp üçün də fikirləşmək olar lakin yenədə ən idealı DiCaprio-dur. (məncə Gatsby obrazı onun üçün magnum opus-dur)

Film haqqında.
Birinci dünya müharibəsi vetereanı Jay Gatsby kasıb ailədə doğulmuşdur. Dialoqlar əsnasında məlum olur ki, o heç də öz talehi barışmağa meylli olmur və özünü tanrının oğlu kimi təsəvvür edir. 16 yaşda öz talehinin arxasınca qaçan gənc müharibədən sonra zənginləşməyin yolunu tapır. O artıq New-York un ən sirli milyoneridir.

Daisy Buchanan (Carey Mulligan) Jay-ın 5 ildir unuda bilmədiyi sevgilisi. Məsələ bundadır ki, o Jay-dan məktub ala bilməyəndə evlənməyə qərar verir və evlilikdən biraz əvvəl Gatsby-dən məktub alır. Onun dərin kədərinə baxmayaraq evlilik baş tutur.

Tom Buchanan (Joel Edgerton) Daisy-nin həyat yoldaşı. əyləncə dəlisi milyonçu. Bütün iri məclislərdə onunla rastlaşmaq mümkündür. Həmçinin evli olmasına baxmayaraq gizli bir münasibəti də vardır.

Nick Carraway (Tobey Maguire) bütün hekayəni məhz elə ondan dinləyəcəksiz. New-York-a yeni gəlmiş gənc Wall-street-də işləyir. Qonşusu Jay Gatsby ilə tanışlıqdan sonra onun üçün həyat tamam başqa olur.

Əlavə olaraq 105 milyon dollarlıq büdcəsi ilə 326 milyonluq gəlir gətirən film, səs, musiqi, ekran keyfiyyəti həmçinin filmdəki geyimlərlə əsl sənət əsəridir. Dekorlar filmdə çox incəliklə ve keyfiyyətli formada işlənilib.

Film, baxmayaraq ki, kədərli bir eşq hekayəsini ekrana gətirir, onun maraqla izləyəcəksiniz. DiCaprio aktyorluğu möhtəşəmdir. Bəlkə hansısa məqamlarda özünüzlə əlaqəli nələrsə tapacaqsız. Gatsby-nin sarayındakı bayram ab-havasındakı qonaqlıqlar gözünüzü qamaşdıracaq. Bəlkə hansısa məqamlarda özünüzü Gatsby-nin yerinə qoyacaqsız. Hərhalda arxayınlıqla deyə bilərəmki, Gatsby-nin möhtəşəm həyatını və böyük məhəbbətini darıxmadan izləyəcəksiz.

Yazdı: Agil Yusif

qeyri-standart suallar

? düşünürsüz ki, vaxt gələcək böyük hadisələr belə tək bir sözlə ifadə olunacaq
? sizin fikirlər nə vaxta kimi eyni qalacaq
? onillik irihəcmli sosial dəyişikliklərə inanırsız
? siz özünüzdə olan imkanlardan nə qədər istifadə edirsiz
? sizin ideal kino qəhrəmanı kimdir, yoxsa eləsi ilə rastlaşmamız
? kinolar kitabları əvəzləyə bilər, internet TV-ni əvəzləyə bilər, bəs bütün bunların hamısını nə əvəzləyə bilər
? Dünya yeni radikal iqtisadi modeli formalaşdıra bilər
? Dünya güc mərkəzləri növbəti yarıməsrdə hansı istiqamətə gedəcək
? Qloballaşma hansı səviyyəyə qədər gedə bilər
? milli mənəvi dəyərlər Qloballaşmanın qarşısına səd çəkir
? səsli zəngi video zənglər əvəzləyir, bəs onu nə əvəzləyəcək
? maksimal Qloballaşma nəyə gətirə bilər
? regional konfliktlərdə Qloballaşma və dünya ölkələri mövqeyi nə dərəcədə həlledicidir
? inanırsanki, Hollywood insanların dini inanclarını təsir edəcək
? insanlar Xalid Hüseyni-dən sonra çərpələngi xatırladılar
? sevgi nələri elətdirə bilməz (ciddi olaraq nələri elətdirə bilməz)
? hansı hadisələr insanlarda .................. yaradır (boşluğu doldur)
? qeyri-adi təfəkkür üçün qeyri-standart suallar lazımdır
? sosial şəbəkə(lər)i nə əvəz edə bilər
? qlobal inkişaf həmişə positiv meyllilikdədir
? hadisələrə positiv və negativ yanaşmaq sadəcə ruh halı və ya anlıq psixologiyadır
? siqaretin zərərli olduğuna inanırsız

.......yenilənəcək....

yazdı: Agil Yusif

good bad

Siz hər zaman yaxşı insan olduğunuzu düşünmüsüz. Hər nə etmiş olursanız olun günahlarınızı özünüzə belə etiraf etməyə çəkinmisiz. Evə qayıdanda yolunuzu kəsən dilənçi çörək pulu istəyirdi. Tanışlarınızdan biri ona vacib olan slaydları hazırlamağınızı istəmişdi. Başqası sizdən borc istəmişdi. Qrup yoldaşınız sizin artıq təqdim etmiş olduğunuz referatları yenidən çap edib müəllimə vermək üçün istəmişdi. 

Duzunu deyin indi kimsə sizi ekran qarşısında mühakimə etməyəcək, siz doğurdanda yaxşı insan olduğunuzu düşünürsüz?

Bugun evsiz birinə yardım etdiz. Yolu keçməyə çalışan yaşlı qadına kömək etdiz. Çox tələsməyinizə baxmayaraq dostunuzla bir saat daha əlavə vaxt keçirdiz. Ən yaxın rəfiqəniz üçün eyni adlı özünüzünkündən fərqli referatlar yazdız. Axşam işdən gələndə çox yorğun olmağınıza baxmayaraq sizi yada salmayan qohumlarınızın məclisinə getdiz. Səhər bazar ertəsi olmasına baxmayaraq sevgilisindən yeni ayrılmış dostunuzla gecə üçə kimi dərdləşdiz üstəlik sabah yeni vəzifə bölğüsü gedəcəkdi.

Düşünün ama burda yanlışlıq var. Bayaqdan dediyiklərim yaxşılıq deyil axı. Bu subyektivdir. İnsanların dəyərləri tamam fərqlidir. Yuxarıdakıları etməmisizsə o demək deyil ki, siz pis insansız, ya da yaxşı insansız. Bu o deməkdir ki, siz yardımlaşmağı sevmirsiz ya da insanların sizdən istifadəsinə imkan vermirsiz və ya başqalarının problem olaraq gördükləri məsələlərin sizə heç bir aidiyyatı olmadığını düşünürsüz. İnsanların öz bacarıqları və qabiliyyətləri ilə ayaq üstə dayandığı, heç bir dəstəyə ehtiyac duymadığı bir mühit sizin üçündür. 

Sonuncu, nəyəsə, kiməsə, yaxşı və ya pis deyə sifət əlavə etmək artıq doğru qəbul edilmir. Başqa sifətlər əlavə edə bilərsiz amma artıq subyektiv fikirlərin hesablana bilməyən say çoxluğunda, yaxşı və ya pisin bir əhəmiyyəti yoxdur. Prioritetlərin, öncəliklərin, taktikaların içərisində bunların əhəmiyyəti yoxdu.

Nəticədə siz nə yaxşı nə pis insansız.

yazdı: Agil Yusif

Upside Down

Upside Down – fransızca un monde a l’envers – yuxarı aşağı (müəllifdən: daha maraqlı bir tərcümə tapa bilmədim) 2012 Kanada Fransız istehsalı filmdir. Janr kimi onu romatik, elmi-fantastik adlandırmaq olar.

Juan Diego Solanas tərəfindən yazılan rejissorluğu edilən Upside Down olduqca maraqlı ssenariyə malikdir. Filmdə hava durumuna diqqət etsəniz Kanada və yaxud Fransa əsintilərini hiss edə bilərsiniz. Ayrılıq vaxtı yağış yağacaq siz ilk görüşəndə qar yağırdı və s.

IMDB 6.4 qiymətləndirir. Onun büdcəsi 60 milyon dollar və Box Office gəlirləri 22 mildon dollardır.

Prinsip Dual-Qravitasiya və filmin əvvəlində eşidəcəksiniz: bizim dünyanı başa düşmək üçün 3 əsas qravitasiya qanununu bilməlisiniz

Bütün dilemma qravitasiyadır, bir dünyanın qravitasiyası digərinə aid deyildir

      

      Bir obyektin çəkisi digər dünyadakı eyni çəkili obyekt ilə mübadilə edilə bilər

      Bir neçə saatlıq kontakt halında (iki dünyadan digərinə keçid halında) obyekt alışmağa – yanmağa başlayacaq

Ağlınızı başından çıxaracaq və tavana yapışacaq deyə bilərəm. Filmin əvvəlindəki introduction olmasaydı bəlkə də onu anlamaq daha çətin olardı. Filmdəki Transwrold  qülləsi “Babil” qülləsini yadıma salırdı. Transworld-ü TMk kimi təsəvvür etmək olar lakin olduqca dərin fikirləşmək lazımdır. Siz öz dünyanızı “yuxarı” yaxud “aşağı” hesab edə bilərsiz. Beləliklə TMK Transworld həm ən yüksəyi həm də ən aşağını birləşdirir. İki əks qravitasiyalı dünya və siz sevdiyiniz xanımı görmək üçün qravitasiyaya qalib gəlmək məcburiyyətisiniz. Xüsusi ilə biz dövlətə yox TMK-nın idarəçiliyinə şahid olacağıq. Yəqin gələcək vizyonlardan ən cazibədarı, ssenari müəllifi üçün bu olub. Filmdə sadəcə Adam-ın hekayəsini dolğun izləyə bilirik lakin arxa fonda baş verənlər misilsiz bir illüziyadır. Çəhrayı toz isə bir növ anti-qravitasiya eleksiridir. Upside Down izləmək olduqca əyləncəli idi, bir nəfəsə və heyrət içərisində izləmək olur, kiçik həndəsi səhvləri saymasaq mən onun yaradıcılığı və özəl effektlərinə heyran qaldım deyə bilərəm. Filmin ortasında hadisələrin yubanması və aksiyonun aşağı düşməsi bəlkə bir az canınızı sıxa bilər amma heyrətlə izləyəcəksiniz. Həmçinin yaşlanmaq bir qravitasiyadırsa yəni üzünüzün aşağı sallanması bəlkə buna bir çarə var J Upside Down sevginin qravitasiyadan daha güclü olduğunu sübut edə biləcək.

Filmdən: “bizim cəhd dünyaları sonsuzadək dəyişdi, lakin bu başqa hekayədir.”

Agil Yusif