Captain America - Civil War

Marvel bir adət-ənənəni başlatdı. Doğrudur, əvvəllər də, super-qəhrəmanlar üçün filmlər çəkilirdi, lakin yeni "era" olduqca maraqlıdır. Buradakı sirri belə izah edə bilərəm: "uşaq vaxtı həmin peronajlar mənə satılmışdı. Sonra mən böyüdüm və daha artıq onların istehlakçısı deyildim. Marvel yaxud DC Comics qərar verdiki artıq 20 il keçdikdən sonra həmin generasiyaya həmin personajları yenidən yeni "qablaşdırma" ilə sataq." Konsept belədir və mən "istehlak etdim". Əslində uşaq olarkən izlədiyim cizgi film personajlarını mənim yaşıma yenidən uyğunlaşdırıb təkrar mənim üçün ağ pərdəyə gətirmələri məni "xüsusi" hiss etməyə imkan verdi. Bilirsiz, əgər siz uşaq vaxtı həmin cizgi filmlərə baxaraq böyümüsüzsə olduqca rəngli olmusuz. Daha yaxşı təxəyyülünüz, yeni fikirləriniz, özünəməxsus xarakteriniz və digər individual xüsusiyyətlər sizdə olub. Daha da, maraqlısı onlar hələ də, sizdə qalmaqda davam edir. 

Captain America - bu əfsanə personajın tarixçəsi haqqında danışmayacam ona görə ki, onsuzda internet resurslar sizdə var. (həmçinin Tony Stark haqqında)

Spoiler verirəm: 

Hadisələrin hansı axarda gedəcəyini siz əgər əvvəllər həmin cizgi filmləri izləmisizsə biləcəksiniz. Ona görə də çox da, ciddi bir spoiler deyil. :) Belə ki, limitsiz qeyri-insani qüvvəni əlində tutan super-qəhrəmanlar BMT-nin nəzarətində işləməlidir. Ən azından onlara təklif edilən budur. Lakin əsas qəhrəmanların fikir ayrılıqları onları "vətəndaş müharibəsinə" gətirir. Fikir ayrılığı başqa probləri də özündə gətirir. Bir növ "Batman versus Superman" konseptini xatırladır, əslində təkrarlayır. O həmişə elədir, sizin münaqişələriniz həmişə düşmənlərinizə vaxt qazandırır. 

Kiçik bir Flashback edim: Dünyanı iki dəfə xilas etmiş "avengers" - qisasçılar, öz aralarında mübarizə aparırsa, sizdə asanlıqla öz aranızda konfliktlər yaşaya bilərsiz! :) Bu biraz da, uşaqlıqdan bəri bizə təlqin edilən dostluq münasibətləri ilə bağlı məsələdir. Siz həmişə "münaqişə" edə bilərsiz, amma axşamadək mütləq barışmalı və sabah yenidən oyun oynamalısız. 

Filmin bəzi səhnələrindəki vizual effektlər məni məyus etdi. CGI açık aşkar hiss edilirdi. İllərdir filmlər izləyirəm və bu haqda fikirlərimi ya bölüşürəm yaxud da, özümə saxlayıram amma CGI mənim perspektivimə oturmayan bir şeydir. Daha realist səhnələri, quraşdırmaları izləməyi sevirəm. Məgər "Batman" (film) boş yerə əfsanə oldu? )))

Teaser

BATMAN vs SUPERMAN: down of justice

Nə fikirləşirsiz? - uşaqlıq. - fantaziya. - supernatural. - SI-FI. - qeyri-adi. - gərəksiz. - milyon(lar) dollarılıq

video.

Nə fikirləşirsinizsə fikirləşin! İşi bacaranlar var! Özü də lap yaxşı bacaranlar. Vizual effektlər, aktyorluq, işə ciddi yanaşmaq nəhayətində işin öhdəsindən gəlmək. İlk dəfə teaser-ləri görəndə bir xeyli təəccüblənmişdim. Hesab edirdim ki, artıq DC comics əvvəllər nəşr etdiyi bütün seriyalar üçün bir film çəkməyə başlayıb. Deyəsən yanılmıram, son illərin superhero trendi sürətlə böyüyür. İnsanlar artıq dram, fəlsəfə, həyat və s. gündəlik yaxud ali mövzular yerinə əyləncəli, heç görmədikləri (yaxud yenidən görmək istədikləri) "şeylərə" baxmaq istəyir. Özü də bu işlərin ciddi görülməsini istəyirlər. Yoxsa 250 milyon dollarlıq video çəkmək fikrinə düşməzdi Zack Snyder. Hesab edə bilərsiz ki, bu olduqca bahalı video-dur, lakin BOX office göstəricisi elə demir və 872 milyon dollar kimi rəqəm göstərir. 

QEYD: əgər mənim iqtisadçı mövqeyimdən baxsaq, nəsə pul qazandırıbsa özü də çox qazandırıbsa bir xeyli tələbatı ödəyibdir. 

Batman Supermen-ə qarşı: ədalətin məhvi. Olduqca hərfi və təhrifə yol vermədən tərcüməyə qaçıram amma siz yenə də original dilini sevin. Onun haqqında yazarkən "spoiler" vermək istımirəm, bu səbəbdən hardasa belə olsa əvvəlcədən qeyd edəcəm.

Mümkün qədər detallandıracam, çünki Batman versus Superman bir final, yaxud ayrı-ayrı qəhrəmanların bir məqsəd uğrunda çalışması xarakterində bir filmdir. Hər iki qəhrəmanımız DC comics istehsalıdır. Əsl sənaye mallarıdır. Onlar DC comics-ə olduqca mənfəətli brand-lərdir. 

Batman - DC comics tərəfindən ilk dəfə 1939-cu ildə "Dedective Comics" adlı dərgidə peyda olub. Bu bədheybət görkəmli qəhramı yardanlar isə Bob Kane və Bill Finger idi. Həmin dövrün super-qəhrəmanlarına xas xüsusiyyətlər onda da vardı.Bob və Bill ona xarakter, xarizma və əlbəttə ki, yüksək döyüş texnologiyası vermişdi. P.S. 1930-cu illərdəki bütün super-qəhrəmanlar sonu "man" yaxud "girl" ilə bitən adlar daşıyırdı.

Superman isə Jerry Siegel tərəfindən 1933-cü ildə yaradılıb. Onu yer üzündəki sonuncu tanrı adlandırsaq yanılmarıq. Onda olan xüsusiyyətlər, filmdə Bruce Wayne-ində dediyi kimi, dünyanı məhv etməyə kifayət edərdi amma yaxşı ailə tərbiyəsi hər şeydən vacibdir deyirik, və bu Smalwile kəndlisi dünyanı məhv etmək yerinə onu xilas etməyi seçir. 

Filmdə siz digər qəhrəmanları da görəcəksiniz. Onlar haqqında çox təfərrüatlı yazmaq istəmirəm. Qeyd edim ki, (SPOILER) uşaq vaxtı izlədiyim cizgi film versiyasında bütün bu hadisələr əks olunmuşdu. Ən azından Bat və Super-in müthiş mübarizəsini görmüşdüm amma o vaxtı ölən və yer altında qərərgah quraraq fəaliyyətə davam edən Bruce Wayne idi. Hətta köməyə gələn Wonder Woman  yerinə Arrow idi. 

Əgər sizin uşaqlığınız DC comics-in tüqyan etdiyi bir vaxta ən azından izlədiyiniz xarici kanallar bütün bu super-qəhrəmanları sizə ideal adamlar kimi sırımaq istədikləri vaxta təsadüf edibsə siz onda bu filmi olduqca maraqlı, əyləncəli bəzi məqamlarda bayağı hesab edə bilrəsiz. Bir faktordan əminəm ki, aktyorlar işlərini olduqca yaxşı bacarıblar. Ben Affleck - haçansa davamlı qalib gəldiyi üçün bir casino-da qumar oynamağı qadağan edilən adam - işə ruhunu qoyub deyə bilərik. Henry Cavill - yaxşı ailə tərbiyəsi almış Superman-ı canlandıran adam - əvvəllər də Man of Steel - dəki fəaliyyətinə görə təqdirəlayiqdir. Dark Knight triologiyasında Christian Bale - i başrolda görmüş və 21-ci əsrin Batmanı budur demişdik, lakin Ben də pis bacarmadı. 

Filmdə diqqətimi çəkən məqam (SPOILER), Superman Şotland adət-ənənəsinə görə dəfn edilir. Affleck-in Şotland əsl-nəcabəti görünür burada əks olunub. Turkish Air Lines əvvəlcədən filmə sponsorluq edəcəyini açıqlamışdı və onu görmək olar. Hans Zimmer isə musiqidə yaradır. Nə yaradır? Məncə qulaq asın..

Bu qədər dostlar, əgər siz də uşaqlığınızı mənim kimi, super-qəhrəmanlarla və geniş xəyal dünyası ilə keçirtmisizsə bu film sizlikdir. 2016-cı il istehsalı olmasına baxmayaraq internetdə ço asan tapa bilərsiz. 

We Are Your Friends - Biz Sənin Dostlarınıq

We Are Your Friends - Biz sənin dostlarınıq bunu deyəndə nə dərəcədə inandırıcı olur? Bilmirəm...

Deyərdim ki, əvvəllər haqlarında yazdığım filmlərlə müqasiyədə We Are Your Friends olduqca aşağı büdcəli filmidir: 2 milyon dollar! Gəlirləri isə 9.4 milyon həddini keçməyib. O ki, qaldı işin keyfiyyətinə, burada maraqlı ssenari var. 20 yaş həddini keçdikdə ehtimal ki, siz də həmin "urban depresiyanı" keçirirdiz. Çünki gedəcək məktəb, part-time işlər, təqaüd proqramlar və s. bakalavr xüsusiyyətlər sizdə qalmayacaq. Siz artıq full-time işləməyə, sadəcə axşamlar (əgər şanslısızsa) və həftə sonları həmişə arzuladığınız bahalı klublarda vaxt keçirə bilərsiz. 20 yaş həddi ilə bağlı daha sonra detallı yazacam. Filmə fokuslanaq...

Zac Efron Cole Carter adlı gənc DJ kimi qarşımıza çıxacaq. Efron aktyorluq bacarığı son illərdə olduqca proqress edib (əgər xatırlayırsızsa That Awkward Moment / http://agilyusifli.blogspot.com/2015/03/that-awkward-moment-2014.html). 

Max Joseph -in rejissorluq, və Richard Silverman-ın hekayə bacarıqlarını yaxşı müşahidə etmək mümkün olacaq. Həmçinin bir peşə kimi DJ-lik haqqında da düşünə bilərsiz. Olduqca əyləncəli olduğunu düşünə bilərsiz. Heç ağlınızdan keçmirsə belə film buna şərait yaradacaq. 

23 yaşlı ambisiyalı, yaxşı təhsili olmayan Cole Carter, onun dostları Mason (Jonny Weston), Ollie (Shiloh Fernandez) və Squirell (Alex Shaffer) San Fernando vadisində yaşayır, gecələri kluba daha çox müştəri yığmaq üçün çalışırlar. Carter isə DJ-lik edir. Tələbə düşərgələrində olduqca populyarlıq qazanırlar. Carter isə ambisiyaları üçün pullarını yığır (Adidas ayaqqabı qutusunda). Bir axşam klubdan çıxışda isə innovativ DJ James Reed (Wes Bentley) ilə söhbət baş tutur. Carter üçün artıq hər şey yeni inkişaf xüsuiyytətinə bürünür. Əvvəlcə azacıq narkotik, sonra gecənin illuziyası. Carter üçün yeni imkanlar gətirir. 

Carter bütün ambisiyalarına doğru gedərkən, dostlarından uzaqlaşdığının fərqinə varır. Artıq o yalnız və uğurlu adam olmağa gedir. Squirell - in ölümü ilə komanda artıq dağılacaq və dostlar öz yollarını özləri tapmağa başlayacaq. Çünki hamının sadəcə bir yolu var: uğurlu olmaq.

Filmin sloqanı isə: "Are We Ever Going To Be Better Than This?" (Biz heç bundan daha yaxşı olacağıq?). Bilmirəm, kimsə "biz" deyəndə mən cavab vermirəm...

Vanilla Sky 2001

Təsəvvür edin ki, hər şey qaydasındadır... Biraz fantastik oldu? Cəhd edin! Bəlkə xəyallarınız tamamı

ilə doğrudur... Bəlkə siz xəayllarınızın içində yaşayırsız. Chuang Tzu-nun misalını xatırladım: " Mən kəpənək olduğumu gördüm yuxumda, yoxsa mən olduğunu yuxuda görən kəpənək mi gördüm"

Vanilla Sky 2001, ABŞ istehsalı filmdir. Əslində isə o 1997-ci il "Open Your Eyes" - Gözlərini Aç (rejissor Alejandro Amenabar) filminin təkrar istehsalıdır. 137 dəqiqə darıxmayacaqsız amma düşünəcəksiz. Yeri gəlmişkən 68 milyon dollarlıq büdcə üçün 203 milyonluq gəlir təqdirəlayiqdir. Cameron Crowe Vanilla Sky rejissorluğu bacarmışdı..

Filmin içində nə var?

Nə yoxduki?... "İnsanlıq tarixinin ən qədim hekayələrinə bənzəyir, içində hər şey var amma niyə danışıldığı , nədən danışıldığı, haradan fanışıldığı məlum deyil." Vanilla Sky əcaib bir formasiyada SI-FI janrındadır, romatik, dram və s. kateqoriyaları da ora daxil etmək olar. Daha da maraqlısı ondadır ki, hadisələrin inkişafı əgər əvvəlcədən siz bu haqda bilmirsizsə sizi təəccübləndirməyə, həyəcanlandırmağa meyllidir. 

David Aames (Tom Cruze) milyonçu, playboy, iş-adamı-dır. Həqiqət, o daim qorxuludur.. Hadisələr David Aames-in həbsə düşməsi və məhkəmə psixoloqu Curtis McCabe (Kurt Russel) diqloqları ilə başlayır. Belə ki. David Aames cinəyətlə ittiham olunur. Flashback-lərlər davam edən hadisələrdən aydın olur ki, David üçün işlər heç də həmişə yaxşı gətirməyib. 

Baş rollarda Tom Cruze ilə yanaşı. Penelope Cruz, Kurt Russel, Jason Lee, Cameron Diaz, Noah Taylor müşahidə edəcəksiz.

O yaşadığı möhtəşəm illuziyanın içində belə xoşbəxt olmağı bacarmamışdı. İtirmişdi. Zamanı dondurub bi mikrosaniyənin içində yaşamaq nə qədər məntiqlidirsə David Aames üçün də hər şey o qədər məntiqlidir. 

Film haqqında çox yazmayacam, çünki original ekran əsəri hesab etmək olar (Open Your Eyes - original film haqqında danışmayacam). İzləmək və öyrənmək lazımdır. 

Agil Yusif

Expelled 2014

Teaser untuduğum nəyisə xatırladırdı... sonra izlədiyim 85 dəqiqə ərzində isə hadisələr qeyri-adi idi

.

Expelled (Qovulmuş) 2014 ABŞ istehsalı bir filmdir və bütün digət ABŞ istehsalı filmlər kimi ABŞ ruhunu əks etdirir. Klassic college movie konspetindən başqa bir dəyər seçə bilmədim, yenə də olduqca maraqlıdır.

Bilirsiz belə komputer qarşısında "maraqlı" (müqavilələr, ərizələr və s. :)) ) yazılar yazmaqla maraqlı macera yaşamış olmuruq. Məktəb vaxtı əsilsiz qorxularınız, dərindəki səssiz üsyanlarınız bir növ bu filmlə sakitləşir. " Axı gərək həmin direktoru möhkəm əzişdirərdim!", "Onlar həmişə qocalır mən isə qızıl yaşıma doğru yaşlanıram", "Bütün məsələləri bir-iki xırda yalanla ört-basdır etmək olardı", "Yuxarı siniflər məzun olanda, "o plakatı" açmaq da olardı" və s. bunları deməyəcəksiz. Expelled bir növ "yaşaya bilmədiyiniz maceraları" sizə yaşatmış olacaq. 

Adətdir, hər film izləyəndə özümü filmin qəhrəmanı kimi hiss edirəm. Adi tamaşaçı olmağı isə heç bacarmadım. Felix O'Neil (Cameron Dallas) əsl məktəb qəhrəmanı hesab etmək olar. Ağılasığmaz zarafatlar, məktəbdən (sistemdən) daha ağıllı, populyar, "qanunkeçirtməz" və s. Qəhrəmanlara xas "protoqonist" xüsusiyyətlər var onda. Digərləri sadəcə filmin fiqurları olur. Burada Cameron Dallas-ın xüsusi aktyorluq bacarığı ilə yanaşı normal tərtibatlı ssenari mühim pay tutur. Alex Goyette yazmağın öhdəsindən yaxşı gəlib.

Filmin digər qəhrəmanları, Matt Shively, Lia Marie johnson, Marcus Johns, Andrea Russet, Kristina Hayes və Teala Dunn kimi aktyorlardır. Maraqlıdır ki, onların əksəriyyəti internet fenomenlərindən ibarətdir.

Hadisələr isə belə gedirdi, qəhrəmanımız Felix məktəbdən "uzaqlaşdırma" (expelled) alır. Valideynlərinin gözündə nümunəvi övlad bunu gizlədir. Eyni ilə əvvəllər də etdiyi kimi. Sonra bunu ailəsindən gizlədəcək. Var-Gəl edəcək ki, hadisələr onun planlaşdırdığı kimi getsin. Nəticədə isə hər şey ...... alınır. (nöqtələrin yerini siz filmi izlədikdən sonra dolduracaqsız, mənə bunu yazmağa isə ehtiyac yoxdur :) )

Əlbətdə Expelled əfsanəvi gənclik filmlərindən biri olaraq kinomatoqrafiya tarixində yer almayacaq amma izləmək, əylənmək, düşünmək, macerapərəst ruha dinclik vermək üçün olduqca maraqlı filmdir. 

Agil Yusif 

Star Wars: The Force Awakens

Yazmağa belə başlasam yaxşı olar...

J.J. Abrahams, George Lucas, Harrison Ford, Mark Hamill, Carrie Fisher,Adam Driver və digərləri...

135 dəqiqəlik 1977-ci ilə qayıdış, əvvəllər gənc olan aktyorların yenidən eyni filmdə bir araya gəlməsi.. George Lucas təxəyyülü və bütövlükdə bir dastan...

Star Wars-ın 7-ci seriyasına dair şaiyələri hələ 2012-ci ildən qulaqlarda idi. "Bəzən yeni o qədər yeni ola bilər ki, köhnəyə heç bənzəməz". Bu dəfə alınıb. Ulduz Müharibələri 7-ci filmində original trilogiyanın ab-havasını saxlamağı bacardı, yeni və fantastik texnologiya əvəzinə ilk trilogiyadakı texnoloji üstünlüyü olduğu kimi ekrana daşıdı. Bir kiçik fəqlə, bu dəfə fantastik büdcə, möhtəşəm fiziki səhnə effektlərinə ehtiyac yox idi. İşlər 1977-dən bəri kifayət qədər dəyişikliyə uğrayıb. Hər şey o qədər çətin deyildi..

245 milyon dollar büdcə 2 milyardlıq gəlir gətirməyi bacardı. Digər məqam isə izləyicinin onsuzda kült olmuş bir filmin yeni seriyasını bəyənib-bəyənməcəyi idi. Bu baxımdan da, işi uğurlu hesab etmək olar.

Ulduz Müharibələri, Han Solo, Millenium Falcon (bu gəminin görkəmi həmişə əfsanəvidir), Chewbacca, Luke Skywalker, lazer qılıncları, işıq sürəti ilə kosmik səyahət, qeyri-adi Jedi istedadları ilə göz oxşayırdı. 

Sujet xətti Luke Skywalker-in Sith və Darth Vader-ə qalib gəlməsindən sonra olanları əks etdirir. Luke yeni Jedi dəstəsini yığmaq üçün çalışır, lakin böyük bir xəyanətlə üzləşir. Bütün Jedi məktəbi məhv edilir. Luke xəyanəti öz günahı hesab edərək, qallaktikanın ucqarına gedir və onadan xəbər almaq mümkün olmur. Qaranlıq qüvvələr "First Order"-də birləşir. "Yeni Respublika" böyük təzyiqlərə məruz qalır. Ulduz müharibələri tarixində yeni səhifə açılır. 

Endless love - Sonsuz Məhəbbət

Cansıcı hesab edə bilərsiz, xüsusi ilə mənim kimi gedə biləcəyiniz bir highschool, university yaxud master degree - niz qalmayıbsa))

1981-ci ilistehsalı eyniadlı filmin təkrar istehsalıdır. Lakin Box Office gəlirlərinə görə heçdə uğurlu hesab etmək olmaz: 20 milyonluq büdcə ilə 34 milyon dollarlıq gəlir!

Bəzi hekayələrin heç bitmədiyini düşünə bilərsiz. 104 dıqiqə ərzində siz uzun illərin xronologiyasına söykənən bir məhəbbət hekayəsi yerinə 1-2 il zamanı əhatə edən bir eşq hekayəsini izləyəcəksiz. Bəzi hekayələrin heç bitmədiyini düşünə bilərsiz. October Road dadı his olunacaq.

Qəhrəmanlarımız David Elliot (Alex Pettyfer) və Jade Butterfield (Gabriella Wilde) məzuniyyət mərasimində qarşılaşırlar. David illərdir ki, Jade ilə danışmağa fürsət tapmaz və həmin gün söhbətləşməyi bacarır. Elə hekayəmiz də burada başlayır!

"O" qızlar həmişə çılğın, cinayətkar, downtown uşaqlarını sevir )) sevsin)). Ağıllı və yaxşı oxuyansansa heç şansın yoxdur. Filmi izləyərkən özümü dəfələrlə məzum olmuş və yaxlı hiss etdim. Film ərzində maraqlı səhnələr alınıb, ilk fürsətdə qaynatasının maşınını düzəldən David!

Həmçinin David ilə Jade-in atası Hugh Butterfield (Bruce Greenwood) arasında maraqlı dialoq baş tutur.

Bəzən isə sizin düşündüyünz ssenari olmur, getmək yox qalmaq əsl cəsarət tələb edir. Bəzən qala bilməyəcəksiz və getməyə məcbur olacaqsız. David - in keçmiş məhbusluğu isə məni düşündürür ki, hər kəs dəyişə bilər amma heç kim keçmişin cızıqlarını silə bilmir, xüsusi ilə bu cızıqlar rəqiblər tərəfindən eşələnəndə.

İnsanlar haqqında azacıq bilirəmsə onlar tək qalmağı ya bacarmayacaq ya da xoşlamayacaq, çalışın tək qalmayın yaxud tək qoymayın! ))

22 Jump street

22 Jump Street 2014 ABŞ istehsalı action comedy janrlı əyləncəli bir filmdir. klassik action
filmlərdəkindən daha çox comedy-ini özündə birləşdirir.

22 Jump Street 21 Jump Street (2011) -ə sequel olaraq çəkilmişdir. filmin rejissorluğu Phil Lord və Christopher Miller-ə məxsusdur. Ssenari müəllifi Michael Bacall-dır. Baş rollarını Johan Hill və Channing Tatum-un paylaşdığı film 65 milyonluq büdcəsi illə 331 milyonluq Box Office gəlirləri əldə etmişdir.

ekran axışı hadisələrin gedişatı müasir AMerikan Gəncliyini çox yaxşı komedik dillə anlatmağı bacarır. Düzdür bəzi yerlərdə həddən artıq "yüksəlmələr" olur. lakin yenə də oldquca maraqlıdır. beləki polis dostlarımız bu dəfə kollecə getmək və narkotik alverini dağıtmağı hədəfləyirlər. Kollecdə isə partnyorlar arasında maraqlı məqamalr ayşanacaq. onlar öz dostluqlarını sorqulamaq həddinə gələcəklər. Filmi izləyərkən 22 Jump Street-dən 23 , 24, 25 və s. çıxartmaq mümkündür deyə düşünə bilərsiz. elə rejissor-da buna hazır idi. filmi sonunda maraqlı məqam olacaq. klassik amerikan sonluğu, hər kəs xoşbəxtdir, pis adamlar ya tutulub ya da öldürülüb və film ərzində "yüksəlmələr".

Decharge olmaq üçün tövsiyyə edə bilərəm. filmdəki dialoqların vulqarlarla dolu olması üzündən necə izləmək lazımdır bilirsiz. ))

Agil Yusif

Pasific Rim

Heç də hesab etmiyin ki, siz ucaboylu, digər hərkəsdən güclü və tanıdığınız bütün insanlardan üstünsüz. Ən azından belə fikirdəsizsə Pasific Rim izləyin. 

Pasicif Rim 190 milyonluq büdcəsi ilə ABŞ-da az Box Office gəlirləri qazansada dünya çapında 411 milyonluq gəlir gətirmişdir. Bunun 114 milyonu Çin bazarının payına düşür ki, bu da onun ən böyük marketi olmuşdur.

Amerikan istehsalı Pasific Rim-in rejissorluğunu Guillerm del Toro etmişdir. Ssenari isə del Toro və Travis Beacham tərəfindən yazılıb. Ssenarinin orjinal və qiqant olduğunu deyə bilərəm. Aktyorlar Charlie Hunnam, Idris Elba, Rinko Kikuchi, Charlie Day, Robert Kazinsky və başkalarıdır. 

Hadisələr yaxın gələcəkdə sakit okeanın dibindəki tavaların toqquşma nöqtəsindən digər kainata keçidin yaranması ilə başlayır. Digər kainatdan (other dimension) körpü (başqa elmi-fantastik janrlı filmlərdə bunu soxulcan dəlikləri kimi təsvir edirlər, məs. kosmik filmlərədə) vasitəsi ilə keçən qiqant, dağıdıcı, məxluqlar öz koloniyalarını dünya üzərinə keçirməyə çalışırlar. 

İnsanlar qiqantlarla mübarizə aparmağın yeganə yolunun öz qiqantlarını düzəltmək olduğunu anlayır və öz nəhəng qiqant maşınları olan Jaeger-ları hazırlayırlar. Filmdə çox vat döyüş bölgəsinə helikopterlərlə aparılan bu qiqant savaş maşınları fiziki olaraq insan görünümdə olsalar da, olduqca nəhəngdirlər. 

Pasific Rim elmi-fantastik janrda olmasına baxmayaraq orijinal bir iş kimi qarşımıza çıxır. İnsanların hadisələr qarşısında bəzən nə qədər kiçik və çarəsiz olduğunu xatırladır. Godzilla ilə bənzərliyi olduğunu deyə bilərəm. çoxsaylı dağıntı, fəlakət, partlama və s. səhnələrin olmasına baxmayaraq bunların heç birində qeydə dəyər sayda ölüm halı ekrana gətirilmir. Bu bir növ azyaşlı kontingenti ekrana bağlamaq üçün taktika kimi istifadə edilir. Lakin Pasific Rim bəzi səhnələrdə doğurdan da, 12-lik atışlar edir. 

Pasific Rim elmi-fantastik janrda çox vaxt rast gəlinmıyəcək qədər məntiqi bir sonluqla bitəcək. Çox vaxt belə sonluqlar ya yaxşı olmur, ya da məntiqə tabe olmur. Hərhalda mən Pasific Rim-in sonluğundan razıyam.

yazdı:Agil Yusif ©

Layer Cake

Layer Cake original ssenari uğurlu soundtrack-ləri və yaxşı akytorluq performansı ilə həqiqətən diqqətə layiqdir. 

Qazandığı mükafatları nəzərdən keçirsək, BAFTA Awards - the most newcomer, British Independent Film Awards - Douglas Hickox Award, Empire Awards UK - Best Briish Director, Best Newcomer, European Film Awards - Audience Award, National Board of Review- USA- World Soundtrack Award kimilərini görmək mümkündür.

Britanya istehsalı kriminal filmidir. J.J. Connolly-nin eyniadlı əsərinin motivləri əsasında çəkilib və adı çox vaxt stilizə edilib "L4YER CAKE" kimi qeyd edilir. 

Mattew Vaughn rejissorluq etdiyi Layer Cake 4 milyon poundluq büdcə ilə 7.3 milyon poundluq BOX OFFICE gəliri əldə etmişdir. Ekran üçün ssenari yenə J.J. Connolly tərəfindən yazılıb. Aktyorlardan Daniel Craig (sonuncu J.B. filmlərindən) sizə tanış gələcək, həmçinin Colm Meaney, Sienna Miller Michael Gambon kimi simalarıda izləyəcksiniz.

Hesab edirəm ki, köhnə istehsal ilinə (2004) baxmayaraq Layer Cake kinomanın arxivində mütləq olmalı olan filmlərdəndir. 105 dəqiqə canınız sıxılmayacağını asanlıqla deyə bilərəm.

Filmlə bağlı maraqlı fakt onun baş qəhrəmanıdır. Çünki baş qəhrəmanın   ......

Layer Cake modern kriminal aləmi, hörmət, etibar və tez bir zamanda yüksəlmə əzmi ilə təsvir edir və bunu əla bacarır. Peşəkar narkotik alverçisi qısa vaxt sonra pensiyaner olmağı planlaşdırarkən yeni və öz sahəsindən uzaq bir sifariş alır. Elə hadisələr də bu fonda baş verir. Boss Jimmy-nin köhnə dostu Edward -ın qızını tapmağı sifariş edir. Edward möhkəm nüfuzlu, güclü və inşaat sektorunda sözükeçən bir personajdır.

Film boyunca onun nüfuzunu heyranlıqla izləyə bilərsiz. Filmdəki hadisələr onun adı (Layer Cake) haqqında ideya verir. Layer Cake biznesdə kiminsə mərtəbələri sürətlə yüksəldiyini xarakterizə etmək üçün istifadə edilir. Modern kriminal aləm üçün xas olan yeni üslubu burada izləyəcəksiniz. Artıq geniş mafya ailələrini, onların öz aralarındakı anlaşmaları görə bilməyəcəyik. Çünki modern kriminal aləm hansı ki, Layer Cake bizə bunu göstərir, tamami ilə yeni bir tərzdən istifadə edir.

Ən maraqlısı, Daniel Craig-in canlandırdığı personajın adını bilməyəcəksiz, film boyunca çox gözləsəmdə bunu eşidə bilmədim, nəhayət son səhnəni gözlədim lakin burada da alınmadı, Daniel Craig-in canlandırdığı personajın adını öyrənə bilmədim. Hələ də, ümid var deyib filmin sonunda aktyorların siyahısını gözlədim və budur....

Daniel Craig adını bilməyəcəyiniz bir personaj canlandırıb. Cast hissəsində onu XXXX kimi qeyd edəcəklər.

P.S. Daniel Craig adını deyərkən, (son səhnə)

"Kinky, The Duke, Slasher, Kilburn Jerry, Crazy Larry, Mr. Lucky, Troop, Jimmy. I don't want to add my name on that list. My name? If you knew that you would be as clever as me"

 "Kinky, The Duke, Slasher, Kilburn Jerry, Crazy Larry, Mr. Lucky, Troop, Jimmy. Mən öz adımı bu siyahıya əlavə etmək istəmirəm. Mənim adım? Əgər siz bilsəydiniz mənim qədər ağıllı olardız."

   Elə bu vaxt XXXX öldürülür......

Vətəndaş Keyn - Citizen Kane

Məncə o əsl Amerikan vətəndaşıdır. Keyn (Kane) nəhəng bir həyat yolunu izləyəcək və bu haqda yazarkən
sizin ağ-qara filmlərə ön yarqılarınızın olduğunu bilirəm. Vətəndaş Keyn Amerikan film sənayesinə bir sıra dəyişikliklər etmiş bir filmdir. Onun tarixi önəmi də məhz burdadır.

1941 istehsalı, dram janrındakı filmin baş qəhrəmanı Orson Welles tərəfindən canlandırılıb. 9 kateqoriyada Academy Awards mükafatı qazanan Citizen Kane olduqca uğurlu bir istehsaldır. Ameikan Film Arxivində 100 years .... 100 movies arasında öz yerini 1998-də bərqərar edib. Həmçinin onun original ssenarisi var. 2007 araşdırmalarına görə Citizen Kane öz dövrünə görə, kinomatoqrafiya, musiqi, səsləndirmə strulturu, işıqlandırma və zoom effektlərinə görə 40-cı illər üçün əsl innovasiya idi.

Citizen Kane 839 minlik büdəcəsi ilə ABŞ-da 1.5 milyon Box Office gəlirləri əldə edib.

Citizen Kane bir çox tənqidçinin fikrincə dövrün Media Maqnatı William Randolph Hearst ilə çoxlu oşxar cəhətlər daşıyırdı.Hərhalda bu durumu sevməyən William Randolph Hearst Citizen Kane haqqında öz qəzetlərində və iş yerlərində danışılmasını qəti qadağan edir. Lakin bu günlərdə mən William Randolph Hearst haqqında araşdırma aparmaq istəyən ilk öncə Citizen Kane-ə müraciət etməkdən əl çəkə bilmirəm...

Elə indidən ən sevdiyim dialoqun 30-cu dəqiqədən etibarən reallaşdığını da deyim...

Film boyunca müthiş maraqlı bir dedektiv ardıcıllığı görə bilərsiz. Hadisələr zaman axışına görə şahidlərin danışdıqları əsasında ekrana gəlir. Elə film də, Charles Foster Kane-in ölümü ilə başlayır və hadisələr geriyə doğru təsvir edilir. Jurnalist Thompson-un Kane haqqıda hazırladığı reportajın əksik hissəsini ona öz boss-u deyir. Bu Rosebud-dır. Kane ölümündən öncə son olaraq bu sözü deyir. Jurnalist Thompson Rosebud-ın sirrini açmaq üçün Kane-in həyatına şahid olan hər kəslə danışmağa başlayır və hadisələr bu fonda aydınlanmağa başlayır. 

Böyük uğur, obsessif bir psixologiya, böyük qəsrdə yalnızlıq, çıxış yolu, gücün və qüdrətin irəlisində insan həyatı kimi fikirlər Citizen Kane-dən sonra daha çox ağla gəlir.

İzləyin və qərar verin bu film real olsaydı siz Citizen Kane-dəki personajlardan hansı olardız? Charles Foster Kane, Jurnalist Thompson yoxsa Kane-in həyatına şahid olan insanlardan biri?

Cavabınız sizin xarakterinizlə bağlı nəsə deyəcək... paylaşmayın))))

One Day- Bir Gün

One Day - bir gün 2011 Birləşmiş Krallıq və ABŞ istehsalı filmdir. Anne Hathaway, Jim Sturgess, Romola
Garai, Rafe Spall, Ken Stott, Patricia Clarkson kimi aktyorlar; orda görə bilərsiz.

Film Random House Films və focus Features tərəfindən ortaqlaşa ərsəyə gətirilib. Başrolu canladıran Anna Hathaway-in filmin çəkilişlərinə başlamazdan maraqlı hekayəsi baş verir. Belə ki, Hathaway film haqqında xəbər tutan kimi dərhal Londona uçur. Scherfig ilə görüşüb ona niyə bufilmdə amerikan aktirsaya yer verilməsi gərəkdiyini izah edir. Sonda   Hathaway qalib gəlir.

Filmin çəkilişləri Birləşmiş Krallıqda həyata keçirilib. Edinburq, Arthur's Seat, Parlament Hill Lido, kiçik bir hissə çəkilişlər Fransa Dinard-da reallaşıb.

15 milyonluq büdcə ilə film 56 milyon dollarlıq gəlir gətirib. CinemaScore A+, F qiymətləndirməsindən filmdə B- qiymət verib.

Həmişə statistika, informasiyaya qaçıb oxuyucunu yorduğumu bilirəm. One Day monoton davam edən hekayəsi və demək olar ki, eyni ritmdə davamlılıq ilə filmin sonuna qədər sizi standart melaxoniya içərisinəd saxlayacaq. Emma və Dexter-in hekayələrini izləyərkən niyə One Day dediklərini anlaya bilərsiz.

Filmin sonuna doğru monotonluğun bitməsi ilə nə hiss edəcəyinizə özünüz verin sonuncu səhnələr sürpriz doludur. Yaxşı yoxsa pis buna siz qərar verin.

Bəzən möhtəşəm xəyallar qurub dünyanın ətrafında çevrə çəkməyinizə ehtiyac yoxdur, sadəcə yanınızda ən yaxınınızda xoşbəxtliyi tapa bilərsiz.

American Hustle

American Hustle-ın uğuru qeydə dəyərdir, 10 Academy Award nominasiyası, 3 Golden Globe Awards, 3
Bafta Awards. Həmçinin filmin original ssenarisi onu uğurlu edən əsas faktorlardandır. Bu tip ssenari ilə film çəkməyin sadəcə ABŞ-da mümkün olması da, digər bir faktordur. Retro görkəm, tarixiliyin əks etdirilməsi, biraz daha yaşlı kütlə üçün nostalji əla əks etdirilib. Rejissor David O. Russel-ə burda minnətdarlığımızı bildirməliyik.

40 milyonluq büdcəsi ilə American Hustle, 251 milyonluq Box Office gəliri əldə edib. Aktyorlardan Christian Bale, Bradley Cooper, Amy Adams, Jeremy Renner, Louis C.K. kimi simaları görəcəksiniz. Onların aktyorluq qabiliyyəti isə təqdirəlayiqdir.

American Hustle-ın çəkilişləri 2013 8 martda başlamış, Boston, Worcester, Massachusetts, New-York kimi yerlərdə həyata keçirilmişdir.

American Hustle-ın uğuru haqda qeyd etmişdim, Rottern Tomatoes filmdə aktyorluq qabiliyyətinə 93%-lik müsbət rəy verib. Filmin bir çox aktyorları da, oyunçuluq qabiliyyətinə görə tənqidçilərdən müsbət rəy alıb.

Qısaca hadisələr haqqında deyə bilərəm ki, nümayiş etdirilən hadisələrin bir qismi real hadisələrə əsaslanır. !970-80-ci illərdə ABŞ-da Federal Təhlükəsizlik Bürosu (FBI) tərəfindən həyata keçirilən  ABSCAM əməliyyatı haqda izləyəcksiz. FBI agenti tərəfindən siyasi xadimlərin rüşvətxorluğunun və korrupsiyon əməllərinin üzə çıxarılması üçün istifadə edilən qəhrəmanlarımızın sonu maraqlı olacaq. Deyə bilərəm ki, tipik komediya, kriminal, dram filmlərindən fərqli olaraq American Hustle original bir ssenari ilə davam edəcək sonluq sizi təəccübləndirə bilər.

Unutmayın əksər amerikan filmləri hətta ən yaxşıları belə .......... sonluqları sevir :)

Horrible Bosses 2 - Qorxunc Müdürlər 2 2014

Horrible Bosses 2 – Qorxunc Müdürlər 2 – 2014 ABŞ istehsalı qara satiralı bir filmdir. Gülüş üçün belə biraz qaranlıq tələb edən ekran axışı var. Filmin rejissorluğu Sean Anders-ə məxsusdur. Horrible Bosses New Line Cinema tərəfindən istehsal edilib, distribusiyası isə Warner Bros tərəfindən həyata keçirilib. Ssenari müəllifləri John Francis Daley, Jonathan Goldstein, Sean Anders və John Morris-dir.

Baş rollarını Jason Bateman, Charlie Day, Jason Sudeikis (30 Rock-dan tanıyacaqsız), Jamie Fox və başqaları paylaşırlar. Breaking Bad-dan bir sima Johnathan Banks-o də bu filmdə görmək olar.

Fİlm 42 milyonluq büdcəsi ilə 106 milyonluq Box Office gəlirləri əldə etmişdir.

Kiçik biznes dərsləri, tam mikrobiznes mühazirələri. Adam oğurluğu amm daha əyləncəlisi uşaqların buna hazırlaşmaları. Kim daha ağıllıdır? bunları filmdə görəcəksiniz....

Horrible Bosses 2 ilk filmdəki qara yumoru saxlayır və ekipajı biraz daha genişləndirir. Əyləncəli bir iş ortaya çıxartmağı bacarır. Qara satiraya alışmamısızsa onda gülmək biraz qəliz ola bilər. Lakin “Gülmək” sadəcə başlanğıcdır. Ekran axışı hadisələrin gedişatı klassik amerikan sonluğu və daha qeyri-adisi “hərşeydən sonar” səhnələri size heyran edəcək. Dialoqların vulqarlaşması size əyləndirə bilər amma yenədə uşaqlara tövsiyyə etmək olmaz ))

Filmdən kiçik qeydlər:

Atanız sizə 5 milyonluq dəyər vermir. Super idiot acting.

Reallıq odur ki, American Dream Çin istehsalıdır.

Mən hər gün yeni düşmənlər qazanıram, buna biznes deyirlər.

Agil Yusif

2 Guns - 2013 - 2 Silah

 

2 Guns – 2 silah 2013 ABŞ istehsalı filmdir. 6 milyonluq büdcəsi ilə 131 milyonluq Box Office və Mark Wahlberg-ün paylaşdığı 2 Guns əslində BOOM! Studios tərəfindən yayımlanan eyniadlı karikatura jurnalının əsasında çəkilib. Filmin rejissorluğu Baltasar Komakur-a məxsusdur. 

Daha bir məqam bu 1996-dan bəri D.Washington-un ilk komediya janrını özündə birləşdirən filmidir.

gəlirləri əldə etmişdir. Uğurlu hesab etmək olar. Baş rollarını Denzel Washington

Klassik action janrlı filmlərdən biraz fərqli ssenariyə malikdir. Doğrudur nəhəng partlayış, uzun-zadı silahlı toqquşma səhnələri var amm yenə də yenilikçi hesab etmək olar. Bir-birindən xəbərsiz iki dövlət agenti mafyanın içərisinə sızır və əslində mübarizə apardıqları mafyanın yenə dövlət olduğunu öyrənirlər. özüdə dövlətlə heç bir bağlarının qalmadan bunu etmək məcburiyyətindədirlər. beləki DEA agenti və Amerikan Dəniz Qüvvələrinin zabiti bir-birlərininn real kimliklərindən xəbərsizdirlər. sonar bankı oğurlamaqla meksikalı mafia liderini üzə çıxartmağa çalışırlar. Sonradan bir-birlərinin kimliklərini öyrənəcəklər amma onlar sadəcə narkobaronun pullarını yox CIA-in pullarını da oğrulayıblar. Beləcə əsl macera başlayacaq.

Digər məqam isə həqiqətdə “kirli” olan Amerikan bürokratiyasıdır. Onların ayrı-ayrı üzvləri isə demək olar ki, bir-birlərindən xəbərsizdirlər.

Əyləncəlidir. Klassik Action filmlərini xatırladır amma yenə də ssenari və ekran axışı diqqətə laiqdir. 

Agil Yusif

Despicable Me 2 - 2013

Despicable Me 2, 2010 istehsalı birinci filmin davamıdır. animasiyada böyük işlər görülmüşdür.
Despicable Me 2 yenə Illimunation Entertaiment və Universal Pictures tərəfindən çəkilib. rejissorluğunu yenə Pierre Coffin və Chris Renaud ediblər. Ssenari müəllifləri isə Cinco Paul və Ken Daurio-dur.

76 milyon dollarlıq büdcəsi ilə 970 milyonluq Box Office gəlirləri əldə etmişdir və uğurlu hesab etmək olar. Despicable Me 2 Academy Award of Best Animated Feature mekafatı sahibidir eyni zamanda Academy Award for Best Original Song (happy - mahnısı üçün) qazanmışdır. həmçinin qeyd etməliyəm ki, Despicable Me 2 axırıncı 100 il üçün ən gəlirli Universal Pictures istehsalıdır.

Bud dəfə də, siz filmdə Minionları görəcəksiniz. bu kiçik sarı sevimli "muppet" tərzi canlılar əvvəllər Gru-nun qəddar məqsədlərinöə xidmət edirdisə indi onlar sadəcə yaxşıdır və olduqca əyləncəlidirlər. Filmin posterində siz Gru və 10400 Minion-u görürsüz.

Bu dəfə baş qəhrəmanımız Gru artıq "pis" adam olmaqdan vaz keçmiş və sadəcə meyvə şirəsi istehsalına baş qatmışdır. lakin işlər heç də yaxşı getməməkdədir. istehsal edilən meyvə şirələri tam yararsız halda olur. vəziyyəti görən doctor Nefario artıq sadəcə pis işlər görmək çünü uzaqlaşmağa qərar verir. nəticədə Gru üçün yeni dövr başlanır. AVL adlı gizli təşkilat Gru-dan onlar üçün işləməsini xahiş edir. Qəhramanımız Gru ilk dəfə sevgini bu vaxtlarda tapacaq. Agent Lucy ilə yaxşı ünsiyyət ona AVL-i sevdirməyə başlayır. El Macho ilə döyüş isə, "finalları" təxmi edə bilərsiz.

Siz bəlkədə "pis" - villian olduğunuzu düşünə bilərsiz amma daxilinizə baxsanız yaxşı nəsə görə bilərsiz.

Agil Yusif

The Internship-staj

2013 istehsalı amerikan komediya filmidir. Sizə nəsə öyrədə biləcəyinə əmin olmasamda çox güləcəyinizə və komanda işi ilə bağlı marjinal fikirlərə yiyələnəcəyinizə əminəm. 20th Centry Fox –un dağıtımını həyata keçirdiyi filmdə tanıdığınız similar olacaq. Belə ki, Vince Vaughn və Jared Stren tərəfindən yazılan ssenari əsasında filmə Shawn Levy rejissorluq etmişdir.

Aktyorlardan  Vince Vaughn və Owen Wilson - un  sayca birlikdə üçüncü filmidir, onları  Startsky & Hutch (2004) və Wedding Crashers (2005) filmlərində birlikdə görmək mümkündür.


58 milyonluq büdcəli The Internship gülməyə qarantiya verir. Lakin daha maraqlı dərslərdə var. Əvvəllər saat satıcısı kimi işləyən Billy McMahon (Vaughn) və Nick Campbell (Wilson) işlərinin sona çatdığını öyrənirlər. Artıq onlar peşəkar olduqları sahədən atılmış və işsiz qalmışdılar. müxtəlif işlərə cəhd etmələrinə baxmayaraq özlərini heç cürə tapa bilməyən ikili “google”-un “internship” –staj proqramı haqda öyrənirlər və müraciət etməyə qərar verirlər. Qeyd edim ki, bütün bu google çəkilişləri şirkətin həqiqi iş sahəsində həyata keçirilmişdir. Billy və Nick staja başlayanda başa düşürlər ki, onlar öz komandalarının ən yaşlı və ən yararsız üzvləridir. Rəqib komandalar onları qabaqlayanda Billy və Nick-in satış, ünsiyyət motivasiya, liderlik, uğura inam bacarıqları işə düşür. Onlar özlərini yararsız hesab edib kənara çəkilib staj vaxtının bitməsini və evə qayıtmaı gözləyə bilərdilər lakin komöuter istifadəsində belə problemləri olan bu “yaramazlar” komandanı qalibiyyətə aparmağa əmindirlər.


Siz yenədə izləyin, motivasiya haqda bilmədiyiniz bir neçə məqamı orada görəcəksiniz və əslində heçdə hesab etdiyiniz qədər yararsız deyil(siz).

google app-larının necə hazırlandığı haqda da, düşünə bilərsiz…


Filmdə ən sevdiyim dialoq:

Nick: "You closed the company?!"
Boss: "Everything's computerized now."
Nick: "People have a deep mistrust of machines. Have you seen Terminator?"
Billy: "Yep"
Nick: "Or two?"
Billy: "Mmmhmm"
Nick: "Or three or four?"
Billy: "All of them"
Boss: "You're great salesmen but it's too late for you guys and I'm gonna say something harsh now."
Billy: "Now, now you're gonna say something harsh?"


Fikrimcə Google iş mühiti, kreativlik, cəlbedicilik əla təsvir edilib.Generasiyalar arasındakı, texnologiya ilə əlaqədar fərqləri də görmək mümkündür. Bir sözlə 90-larda dünyaya gələnlər əvvəlkilərdən biraz daha şanslı imiş kimi təəsürat yaranır…  

Möhtəşəm Gatsby - The Great Gatsby

Parlaq, zəngin, çılğın, əyləncəli, bir sözlə 1920-ci illərin lüks New-York həyatı.
The Great Gatsby F.Scott Fitzgerald tərəfindən 1925-ci ildə qələmə alınan romandır. Onun əsasında 1926, 1949, 1974, 2000 və 2013-cü illərdə filmlər çəkilmişdir.

Haqqında yazdığım isə 2013-ün may ayında tamamlanan The Great Gatsby filmidir. Filmin adı Fitzgerald-ın romanı ilə eyni olsa da onun ssenarisi Baz Luhrmann tərəfindən yenidən yazılmışdır. Elə filmin rejissorluğu da Luhrmann-a məxsusdur.

DiCaprio siması üçün ən əla roldur deyə bilərəm. Jay Gatsby obrazını Johnny Depp üçün də fikirləşmək olar lakin yenədə ən idealı DiCaprio-dur. (məncə Gatsby obrazı onun üçün magnum opus-dur)

Film haqqında.
Birinci dünya müharibəsi vetereanı Jay Gatsby kasıb ailədə doğulmuşdur. Dialoqlar əsnasında məlum olur ki, o heç də öz talehi barışmağa meylli olmur və özünü tanrının oğlu kimi təsəvvür edir. 16 yaşda öz talehinin arxasınca qaçan gənc müharibədən sonra zənginləşməyin yolunu tapır. O artıq New-York un ən sirli milyoneridir.

Daisy Buchanan (Carey Mulligan) Jay-ın 5 ildir unuda bilmədiyi sevgilisi. Məsələ bundadır ki, o Jay-dan məktub ala bilməyəndə evlənməyə qərar verir və evlilikdən biraz əvvəl Gatsby-dən məktub alır. Onun dərin kədərinə baxmayaraq evlilik baş tutur.

Tom Buchanan (Joel Edgerton) Daisy-nin həyat yoldaşı. əyləncə dəlisi milyonçu. Bütün iri məclislərdə onunla rastlaşmaq mümkündür. Həmçinin evli olmasına baxmayaraq gizli bir münasibəti də vardır.

Nick Carraway (Tobey Maguire) bütün hekayəni məhz elə ondan dinləyəcəksiz. New-York-a yeni gəlmiş gənc Wall-street-də işləyir. Qonşusu Jay Gatsby ilə tanışlıqdan sonra onun üçün həyat tamam başqa olur.

Əlavə olaraq 105 milyon dollarlıq büdcəsi ilə 326 milyonluq gəlir gətirən film, səs, musiqi, ekran keyfiyyəti həmçinin filmdəki geyimlərlə əsl sənət əsəridir. Dekorlar filmdə çox incəliklə ve keyfiyyətli formada işlənilib.

Film, baxmayaraq ki, kədərli bir eşq hekayəsini ekrana gətirir, onun maraqla izləyəcəksiniz. DiCaprio aktyorluğu möhtəşəmdir. Bəlkə hansısa məqamlarda özünüzlə əlaqəli nələrsə tapacaqsız. Gatsby-nin sarayındakı bayram ab-havasındakı qonaqlıqlar gözünüzü qamaşdıracaq. Bəlkə hansısa məqamlarda özünüzü Gatsby-nin yerinə qoyacaqsız. Hərhalda arxayınlıqla deyə bilərəmki, Gatsby-nin möhtəşəm həyatını və böyük məhəbbətini darıxmadan izləyəcəksiz.

Yazdı: Agil Yusif

The Avengers

Qisasçılar! Qorxulu görünür? Tam da elə deyil...

MARVEL istehsalı cizgi filmləri izləyərək böyüyənlər, sonunda "yaxşıların" qalib gələcəyinə həmişə inanırlar...

Sizi buna inandırmağın xaricində onlar kifayət qədər də pul qazanırlar..

Və bunu edərkən də, sizə yaxşı bir film izlətdirməyi də bacarırlar...

2012 Marvel Studios istehsalı The Avengers. Super-qəhrəmanlarla dolu bir film və sizi uşaqlıq günlərinizdəki kimi hiss etdirə bilər. IronMan, Thor, Hulk, Black Widow, Captan America kimi super-qəhrəmanlar bir arada. 

Əslində çox da qeyri-adi görünmür, eyni istehsalçı şirkət öz istehsalı olan bütün film qəhrəmanlarını bir yerə yığır. Hamısının ayrı hekayəsi var bunu bilirsiz amma onlar indi bir yerdədir. Marketing burda işə düşür. Marvel direktoru Avi Arad bütün digər filmlərin öz izləyici kütləsi olduğunu bilirdi və bütün izləyici kütləsini birləşdirəcək bir film istehsalı ona məntiqli gəlmişdi. Əlavə olaraq da, video oyunlar..))

Bolca komputer effektləri, klassik Marvel qəhrəmanları, yüksək texnologiya, qeyri-adi bacarıqlar, dünyanın xilası və s.

Qısaca Thor-un qardaşı əks tərəfə keçir və kainatın bir ucundan yad irqin ordusunu Manhattan-a gətirməyə müvəffəq olur. Qisasçılar ordunu dağıtmalı, keçidi bağlamalı və həmişəki kimi dünyanı xilas etməlidirlər..

220 milyonluq ideya 1,511 milyardlıq gəlir gətirdi. 

Diqqətimi cəlb edən məqamlar, aşağı yaş qrupları üçün istehsal olunan amerikan filmləri, öz mənfi cəhətlərinə baxmayaraq, pozitivliyi və xəyal gücünüzü möhkəmlətməyə imkan verir. Bəlkə sonuncu dəfə nə vaxt, qeyri-adi xəyallar qurduğunuzu xatırlamırsız. Maraqlıdır ki, ən möhkəm yenilikləriniz və bəlkə şəxsi inqilablarınız elə o qeyri-adi xəyallarınızda gizlənib. Sadəcə onları xatırlamaq üçün belə arada fantastik filmlər də izləmək olar. təsadüfə baxın biraz əvvəl elə filmlərdən biri haqda oxudunuz...

     Yazdı: Agil Yusif

Xoşbəxtliyin arxasınca - Pursuit of Hapyyness

Siz heç hər şeyinizi itirdinizmi? Bəs sizə heç “sən bacarmazsan!” dedilərmi? Bəs siz heç çarəsiz qaldınızmı? Həyat yoldaşınız tərk etdimi? Oğlunuzla gecəni “son ümid” metroda qalmağa məcbur oldunuzmu? Bəs siz heç başınıza belə şeylərin gəlməsinə baxmayaraq “öz”üznüzü saxlamağı bacardınızmı? Niyə soruşuram? Çünki biraz sonra haqqında danışacağım adam bunu bacardı... 

Chriss Garner-in bioqrafiyası ekranda... + Will Smith fərqi ilə...

1981. San Fransisco ABŞ. Qəhrəmanımız Chris Gardner(Will Smith). Öz ailəsini ultrasəs aparatını həkimlərə sataraq dolandıran orta hallı tipik amerikan ailə başçısıdır. Chriss-in işləri son zamanlar qaydasında deyildi. Artıq ultrsəs aparatlarına tələb əvvəlki kimi yüksək deyildi. Chriss-in evə pul gətirə bilməməsi ailə daxili münasibətləri gərginləşdirir. Balaca Christopher bu münaqişələrin ortasında qalır. Nəticədə Lynda(Thandie Newton) Chirss və balaca Christopher-I tərk edərək New-York-a gedir. Əlindəki cihazları satmağa çalışarkən Dean Witter-dən  Chriss Jay Twistle (Brain Howe) adlı bir idarəçi ilə tanış olur. Əlində Rubikin kubu adlandırılan (xatırlayarsız, hər uzundə rəngli kvadratların içində müxtəlif rənglər var və siz hər üzünu eyni rəngə gətirmək üçün çevirməlisiniz) oyuncaqla məşğul idi. Chriss onunla söhbətləşir və kubu həll edir. Twistle bu əzmli və ağıllı adamı Dean Witter-də saxlamaq üçün təklif edir. Chriss-in intervya getməsi olduqca əyləncəlidir. Düşünsənizə, evinizin kirayə haqqını ödəyə bilmirsiz deyə ev sahibi siziməhkəməyə verir. Nəticədə 12 saatlıq həbs. Axşam 9 həbs səhər azad olacaqsız. Təsadüfə baxın ən böyük broker şirkətlərdən birində elə sabah intervyunuz var. Nə edərdiniz? Sizi bilmirəm amma Chriss əynində atleti üzündə boya ləkələri, (həbsdən öncə evi boyamaqla məşğul idi) cins şalvarla gəlir idarə heyyətinin qarşısına. İdarəçilərdən biri:

-adın nə?

-Chriss, Chriss Gardner sir.

-Chriss səhər-səhər biri üzündə boya ləkələri, qolsuz ağ atletlə biri gəlib sənin şirkətində işləmək istədiyini desə nə deyərsən?

-Qəşəng şalvarı var deyərəm, sir.

Heyət gülməyə başlayır. Chriss əla başlamışdı. Chriss işə qəbul olur. Lakin öyrənir ki, ordan o maaş almayacaq. Sadəcə işləməli müddət sonunda performans dəyərləndirməsi və final imtahan olacaq. Chriss öncə qəbul etmək istəmir. Christopher-in qayğısına qalmalıdır. Lakin sonra Jay-in təkidi ilə razılaşır. Maddi qüvvəsi olmadığından yenə ultrasəs cihazların satmağa davam edir. Kiçik bir problem var faktiki olaraq 2 iş yeri var. Birinci amansız birjada. Digəri həkimlərlə (Chriss ultrasəs cihazını həkimlərə satırdı). Chriss və oğlu kilsədə, metroda, və başqa bərbad şəraitli yerlərdə gecələməli olurlar. Satj müddəti bitdikdən sonra Chriss...

Nə olduğunu filmə baxanda öyrənərsiz J 

Buyurun filmin treyleri...

Filmdən unudulmaz aforizm (Chriss oğluna deyir), Chriss: “kimsənin sənə bir şeyi edə bilməyəcəyini deməsinə icazə vermə. Bir xəyalın varsa onu qorumalısan… bir şeyi istəyirsənsə get və onu əldə et!”

yazdı: Agil Yusif ©